Vetëm në dy pozita ka dyshime, ky pritet të jetë formacioni i Kosovës ndaj Turqisë

Kosova do të përballet me Turqinë nesër në mbrëmje me fillim nga ora 18:30.

Pasi ka përfunduar edhe stërvitja e fundit e Përfaqësueses së Kosovës, trajneri Albert Bunjaku ka vendosur edhe formacionin me të cilin do të luaj.

Telegrafi merr vesh nga burimet e saja se vetëm në dy pozita ka dyshime dhe ato pozita janë në mesfushë.

Në portë pritet të jetë kapiteni i paprekshëm, Samir Ujkani.

Ndërkohë mbrojtja do të jetë si ndaj Ukrainës, me Perdedajn në të djathtë, Paqarada në të majtë dhe dyshja Pnishi e Rrahmani në qendër.

Lexo po ashtu Të gjitha lajmet nga Shqiptarët nëpër botë

Enis Alushi kthehet nga lëndimi dhe pritet ta fillojë ndeshjen nga minuta e parë, ndërsa përkrah tij do të jetë njëri mes Herolind Shalës dhe Eroll Zejnullahut edhe pse Shala ka përparësi më shumë që të startojë.

Treshja ofensive pritet të përbëhet nga Milot Rashica në krahun e djathtë, super mesfushori Arber Zeneli në të majtë, ndërsa për pozitën numër 10 në balotazh është Alban Meha dhe Valon Berisha.

Në sulm i vetëm pritet të jetë gjiganti Vedat Muriqi.

Ndërkohë sipas informacioneve nga Turqia, arsyeja që Bernard Berisha nuk starton është se pejani është i sëmurë me një grip. /Telegrafi/

Formacioni i Kosovës përballë Turqisë:

Kosova (4-2-3-1) Ujkani; Fanol Përdedaj, Amir Rrahmani, Alban Pnishi, Leart Paqarada; Enis Alushi, Herolind Shala (Eroll Zejnullahu), Milot Rashica, Valon Berisha (Alban Meha), Arber Zeneli, Vedat Muriqi.