Edhe kryetari i PDK-së Kadri Veseli, ka reaguar ndaj shkrimit të deputetes së Lëvizjes Vetëvendosje, Fatmire Mulhaxha-Kollçaku pasi shpërndau një citat të një analisti serb, që thoshte se “Albin Kurti s’ka dosje kriminale nga koha e UÇK-së”.
Veseli përmes një postimi në Facebook, ka thënë se Kollçaku mund të shkruajë shpërndajë propaganda ndaj UÇK-së, për përfitime politike por është shprehur se kjo gjë i dëmton shqiptarët.
“Deputetja Kollçaku, në cilësinë e mendimit të saj politik, ka lirinë të propagandojë çfarë të dojë, sado që ajo çfarë ka bërë nuk ishte e mençur. Nuk bëhet fjalë thjesht për një qëndrim, por për një mentalitet që mendon se përfitimi politik, duke i dëmtuar shqiptarët, jep premisa suksesi në betejën imagjinare politike edhe pas zgjedhjeve. Për këtë lloj mentaliteti, Serbia agresive dhe politika e saj perfide, e përmbledhur në imazhin e kreut të saj institucional, Aleksandar Vuçiq, është më prioritare sesa sfida që na pret – e ardhmja e Kosovës”, ka deklaruar Veseli.
Kreu i PDK-së, për ftesën e kryeministrit Kurti, ka thënë se edhe mund të takojë për çështje shtetërore, por ka theksuar se, “nëse vërtet mendon se jam i shantazhuar nga Gjykata Speciale, atëherë Albin Kurti nuk ka nevojë të paktën për mua si një nga themeluesit e UÇK-së”.
“Nuk ka thirrje taktike për unifikim qëndrimesh pozitë dhe opozitë para Serbisë, vetëm për konsum elektoral të Albin Kurtit dhe damkim me shantazhe. Kjo nuk shitet. Para disa ditësh, Albini Kurti bëri thirrje publike të me takoj. Për çështje shtetërore, unë edhe mund ta takoj. Në çdo qëndrim kombëtar që keni proklamuar para fushatës zgjedhore do të jemi me ju. Edhe për flamur kombëtar, edhe për bashkim, edhe për punësim, edhe për konfiskim pasurish për çdo përfitues të paligjshëm. Por, asnjëherë përkulje para presionit, shantazhit e manipulimit.
Deputeten në fjalë e ka futur në konfrontim publik të panevojshëm Albin Kurti. Si ish Kryetar i Kuvendit, e vlerësoj korrektësinë dhe maturinë e deritashme që ajo ka treguar në qëndrimet e veta politike. Kërkim falja për gabime nuk është diçka tragjike. Por, edhe vazhdimi i mbajtjes së qëndrimeve të njëjta të saj, nuk ma ndryshon vlerësimin për të.Por, ka një çështje tjetër më të madhe në këtë temë. Gjykata Speciale. Ka kohë që ka filluar, me entuziazëm e me ankth”, shtoi ai, shkruan Telegrafi.
Sipas tij kazani publik po zien sidomos para supozimeve për ngritje të aktakuzave të Gjykatës Speciale.
“Nuk është e tepërt të thuhet se, përveç pakënaqësive, janë edhe pritshmëritë që kanë ndërtuar si projeksion me targete të veçanta në këtë luftë politike akterët politikë dhe grupet e interesit. Stërzgjatja e këtij procesi afërsisht për 10 vjet, që nga inicimi i kësaj Gjykate, ndërkohë që epilogu i saj nuk po duket, qartazi po krijon hapësirë që nga LVV dhe LDK të përkthehet si shantazh për çështje të brendshme politike, sidomos në raport me Dialogun. Pra, që vonesat e Gjykatës Speciale të lidhen me marrëveshjen përfundimtare me Serbinë dhe sjelljen e disave prej nesh, varësisht nga ky presion”, ka shkruar më tej Veseli.
Në fund Veseli ka thënë se qytetarët që kanë votuar në zgjedhjet e fundit, duhet të jenë të vemëndshëm për premtimet e kësaj qeveria, që të kenë mirëqenie…
“Qytetarët le të jenë të vëmendshëm për premtimet që ua dhanë qeveritarët e sotëm, edhe në planin kombëtar, edhe në atë të mirëqenies. E sa për pjesën e UÇK-së dhe timen si një prej liderëve të saj, që nga dita e parë, ju siguroj se luftëtarët e lirisë asnjëherë nuk lëvizin nga interesi i Kosovës dhe dinë ta mbrojnë mirë atë deri në fund”, ka shkruar Veseli./Telegrafi/
Promo
Reklamo këtuLufta Prigozhin - Putin
Më shumëDy gra u martuan te Bashkia e Tiranës, Malaj: Kundër veprimeve që e tejkalojnë ligjin
Shtyrja e regjistrimit të popullsisë deri më 24 maj, ASK tregon procedurat që duhet ndjekur
Bllokohet rruga Prishtinë-Gjilan, disa vetura ngecin në "lloç"
Qeveria e Kosovës miraton marrëveshjen me Danimarkën – burgu i Gjilanit do të përdoret për dënimet daneze
Pas reshjeve të shiut, bllokohet Prishtina nga kolonat
Investim prej 600 mijë euro në Klinikën e Onkologjisë, Kurti e Vitia përmendin rritjen e kapaciteteve dhe cilësinë e shërbimeve
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Qysh nga raundi i parë u vërejt se diçka nuk shkon me Tyson Furyn - tani publikohen pamjet
Besnik Berisha: Enver Sekiraqa nuk është arratisur
Ato që dimë deri tani rreth aeroplanit “të rrëzuar” të presidentit të Iranit
Dy gra u martuan te Bashkia e Tiranës, Malaj: Kundër veprimeve që e tejkalojnë ligjin
"Askush nuk donte të fliste me mua te Barcelona, vetëm Eric Abidal” - ylli i ri francez tregon vuajtjet te gjiganti i La Ligas
Aeroplani “i rrëzuar” i presidentit të Iranit, thuhet se tanimë ka pasur një kontakt me pasagjerët dhe anëtarët e ekuipazhit