Këngëtarja e njohur shqiptare, Vesa Luma dhe partneri i saj po ashtu me profesion këngëtar, Big Basta, festojnë sot (12 shtator) një ditë të rëndësishme.
Dyshja, të cilët janë së bashku prej shumë vitesh, kremtojnë përvjetorin e shtatë të martesës.
Me këtë rast ka qenë artistja e cila ka postuar një video në rrjete sociale, duke sjellë disa nga momentet e tyre më të lumtura në ditën e ceremonisë që u mbajt në Kalajën e Lëkurësit në Sarandë.
Ajo ka treguar çdo detaj të ceremonisë, nga fustanet, dukja e mënyrën se si ishte dekoruar ceremonia e tyre.
“Urime përvjetorin e martesës dashuria ime”, ka nis shkrimin Luma.
“Shumë krenare për ne, për vendimet tona, sakrificat e sfidat që i tejkaluam me shumë dashuri duke e vendosur të parën - familjen tonë të vogël e të lumtur. Të dua shumë”, tha ajo.
Çifti nga kjo martesë kanë së bashku një djalë të quajtur, Lian. /Telegrafi/
