Vdes Kevin Conroy, zëri ikonik i Batmanit të animuar

Kevin Conroy, i cili ishte zëri i famshëm i Batman-it në shumë shfaqje televizive, ka vdekur në moshën 66-vjeçare.

Vdekja e yllit u konfirmua të premten (11 nëntor) nga Diane Pershing, një aktore që ka punuar së bashku me Conroy në projekte të shumta.

“Lajm shumë i trishtuar: zëri ynë i dashur i Batman-it, Kevin Conroy, vdiq dje”, shkroi ajo në një postim në Facebook.

“Ai ka qenë i sëmurë për një kohë. Ai do t’i mungojë shumë jo vetëm kastit të serialit, por legjionit të tij të fansave në të gjithë botën”, shkroi ajo.

Kanceri është raportuar si shkak i vdekjes.

Conroy filloi të shprehte Batman/Bruce Wayne në “Batman: The Animated Series”, i cili u shfaq nga viti 1992 deri në 1995.

Zëri i tij i veçantë shpejt u bë sinonim i personazhit vizatimor, të cilin ai vazhdoi ta zërë në projekte të tjera të ndryshme gjatë dy dekadave në vijim.

Projekti i fundit i Conroy ishte filmi i animuar i vitit 2019 “Justice League vs. The Fatal Five”, prodhuar nga Warner Bros dhe DC Entertainment.

Conroy – i cili lindi në New York dhe u rrit në Connecticut – ndoqi Juilliard ku ishte një shok dhomë me Robin Williams.

Pas diplomimit, ai u shfaq në shfaqjet e Shekspirit, telenovela dhe sitcom, duke marrë role të ftuar në “Murphy Brown” dhe “Cheers”. Megjithatë, karriera e tij nuk u ngrit plotësisht derisa filloi të huazonte zërin për personazhin e Batman në mesin e të 30-tave.

Conroy – i cili ishte haptazi homoseksual – fitoi mirënjohje në fillim të këtij viti për shkrimin e historisë së tij të titulluar “Finding Batman”, një vepër që tregonte jetën dhe përvojat e tij si homoseksual.

Ai la pas partnerin e tij, Vaughn C. Williams. /Telegrafi/