“Me pikëllim të thellë ndajmë lajmin se Peter Fonda ka ndërruar jetë. Është një nga momentet më të trishtuara të jetës për të mos thënë më i trishtuari. Ne nuk jemi në gjendje të gjejmë fjalët për të shprehur dhimbjen në zemrat tona”, njoftuan dje familjarët, për vdekjen e aktorit të famshëm.

Peter Fonda vdiq në moshën 79 vjeçare. Ai u bë i famshëm nga roli i luajtur në filmin “Easy Rider”.

Lajmin për vdekjen e aktorin e konfirmoi edhe menaxheri i tij, Alan Somers.

79-vjeçari vdiq si pasojë e kancerit në mushkëri, në shtëpinë e tij në Los Angeles.

Reklama

Ai ishte i biri i aktorit të famshëm Henry Fonda dhe vëllai i aktores Jane Fonda. Me aktrim merret edhe e bija e tij, Bridget Fonda.

Reklama

Dhembje për vdekjen e tij kanë dhënë shumë emra të njohur të botës së filmit, si: regjisorët Ava DuVernay dhe John Carpenter, aktoret Mara Wilson dhe Illeana Douglas, aktorët Cary Elwes, Billy Baldwin, Angus Macfadyen etj. /Telegrafi/