Vazhdon revolucioni te Milani: Drejtori sportiv Mirabelli largohet zyrtarisht, Conte kontaktohet për trajner

Milani ka vazhduar me revolucion, pasi klubi tashmë është nën menaxhimin e Elliott Management.

Pas largimit të shefit ekzekutiv, Marco Fassone, nga klubi është larguar edhe drejtori sportiv Massimliano Mirabelli.

Mirabelli kishte ardhur nga Interi verën e shkuar ku mori 11 lojtarë që i kushtuan klubit 200 milionë euro.

Ai ka shkruar një letër ku ka falënderuar të gjithë punëtorët në klub, duke filluar nga trajner te lojtarët. Gjatë ditës la pasur lajme se vendin e Mirabellit do ta zë Igli Tare që ka marr vlerësime të mëdha si drejtues te Lazio.

Në anën tjetër drejtori i ri Leonardo, ka fillua punën dhe qëllimi i tij i parë është ndërrimi i trajnerit.

Lexo po ashtu Igli Tare, drejtor sportiv i Milanit?

Mësohet se ai e ka kontaktuar ish-trajnerit e Chelseat dhe Juventusit, Antonio Conten.

Sipas Premium Sport, Leonardo pritet të bëhet drejtor teknik dhe Conten e sheh si trajner që mund ta nxjerrë Milanin nga kriza.

Ky nuk është lajm i mirë për Gennaro Gattuson që ishte konfirmuar para disa javësh nga pronarët e vjetër. /Telegrafi/