Vazhdon rasti Baldoni – Lively: Blake kërkon të ketë qasje në celularin e Justinit

Blake Lively ka dërguar urdhra duke kërkuar qasje në të dhënat e celularit të Justin Baldonit, siç raporton TMZ.

Avokatët po kërkojnë informacion me shpresën për të gjetur diçka që do t’i ndihmojë në çështjen e tyre kundër Baldonit.

Përveç tij, ata duan të ekzaminojnë telefonat e zëdhënësve të Baldon, Jennifer Abel dhe Melissa Nathan, producentit të “It Ends With Us” Jamey Heath, menaxherit Jed Wallace dhe bashkëthemeluesit të studios ‘Wayfarer’ të Baldoni, Steve Sarowitz.

Avokatët e Lively, Mike Gottlieb dhe Esra Hudson thonë se duan të ‘ekspozojnë njerëzit, taktikat dhe metodat që janë përpjekur të shkatërrojnë karrierën dhe reputacionin e Blake Lively gjatë vitit të kaluar’.

Ata gjithashtu besojnë se Baldoni dhe avokati i tij Bryan Freedman nuk ishin transparentë në paraqitjen e informacionit.

Freedman komentoi këtë: “Ajo që nuk është normale është informacioni që po kërkon ekipi i Blake Lively. Ata po kërkojnë të gjitha mesazhet, telefonatat dhe të dhënat e tjera për 2.5 vitet e fundit, pavarësisht se me kë kishin korrespodencë ose për çfarë po flisnin. Kjo tregon se ata po kërkojnë me dëshpërim diçka që të mos gjejnë diçka për të vërtetuar”.

Lexo po ashtu Të gjitha lajmet nga Blake Lively

Kujtojmë që autorja e librit “It Ends With Us”, Colleen Hoover, ka riaktivizuar profilin e saj.

Muajin e kaluar ajo u zhduk nga rrjetet sociale, ndërsa tani ka fshirë të gjitha fotot me Blake Lively nga profili i saj i riaktivizuar.

Fotografitë me Colleen mund të gjenden ende në profilin e Lively. /Telegrafi/

View this post on Instagram

A post shared by Blake Lively (@blakelively)