E mbijetuara e dhunës seksuale gjatë luftës në Kosovë, Vasfije Krasniqi Goodman i është drejtuar sot me një fjalim emocionues deputetëve të Kuvendit të Kosovës.
Vasfije Krasniqi Goodman në këtë seancë të veçantë, kushtuar ngritjes së vetëdijes së shoqërisë për të mbijetuarat e dhunës seksuale në të cilën ishin të pranishëm edhe ambasadorë të akredituar në vend dhe pjesëtarë të shoqërisë, tha se është emocion i jashtëzakonshëm për të që mban fjalim në Kuvendin e Kosovës.
“Ju falënderoj përzemërsisht që kjo seancë i kushtohet një çështjeje kaq të ndjeshme dhe të rëndësishme për të mbijetuarat e dhunës seksuale gjatë luftës në Kosovë”, tha Goodman.
Ajo nën emocione të veçanta tha se ligji i Kosovës i quan viktima, por sipas saj, ato janë të mbijetuara.
“Kam mbajtur shumë fjalime, por asnjëherë nuk jam ndier si sot këtu”, tha ajo.
E mbijetuara e dhunës seksuale gjatë luftës në Kosovë tha se ndihet shumë mirë kur sheh familjar që i mbështesin viktimat e dhunës seksuale, por ndihet jashtëzakonisht keq kur që ka familjar që nuk i përkrahin viktimat e dhunës seksuale, madje i ofendojnë e lëndojnë në mënyrën më të rëndë.
“…Ju thonë fjalë që unë nuk mundem t’i përmendi këtu, me çka ballafaqohen. Edhe pse edhe prej kësaj foltore kanë dalë fjalë që na kanë lëndu shumë…”, u shpreh Vasfije Kransiqi Goodman.
Mes lotësh, ajo tha se edhe 21 vjet pas luftës shoqëria kosovare i stigmatizon të mbijetuarat e dhunës seksuale në Kosovë, duke i bërë të ndihen se nuk jonë nëna, motra e vajza e gra të mira, raporton Telegrafi.
“Po ku ishit ju atëherë para 21 vjetëve, a ishit ju në tavane ku ju dhunua grua në dhomë…ku e morët guximin me e lan atë gru me fmi, me braktis. Ku ishin djemtë që e panë nënën tu e dhunu, e përzunë nanën, e majtën gruan se e nuk dike që edhe gruan e kish të dhunuar… ku ishit kur u dhunua Jeta 7 vjeçare… e tash ju çka po bëni për me na e lehtësu neve jetën… duhet me ju ardh turp gjithë shoqërisë kosovare kur po na viktimizoni çdo ditë….”, u shpreh Goodman.
Duke folur për rastin e saj, ajo tha “Kom dëgju që kanë thënë se Vasfija e ka lehtë se e ka burrin amerikan… Po e vërtetë që e kam burrin amerikan edhe jam krenare, se ai më përkrah mua në misionin që kam unë për me luftu për të drejtat… Edhe vëllai im është këtu, e që ballafaqohet me fjalë që thonë njerëzit e mundohet çdo ditë që ta kem një jetë më të lehtë e më të mirë”.
Sipas saj, është e tmerrshme për shoqërinë në Kosovë, e sidomos për burrat që i lëndojnë gratë vetëm pse ju ka ndodh ky krim gjatë luftës dhe është e pafalshme mënyra se si i bëjnë të ndihen për atë që ju ka ndodh.
“Duhet të ndryshoni… Që 20 vjet boll ju kemi duru. Më s’ju durojmë dhe nuk ua falim për atë që na keni bërë ta përjetojmë. Krimet e luftës duhet t’i merrni seriozisht. Boll ke ma që 20 vjet mos me u dënu askush”.
“Ajo çka na ka ndodh neve ishte krim lufte e ju nuk ishit aty me na mbrojt”, u shpreh Goodman. Ajo tha se prej shtetit duan drejtësi, prej familjarëve mbështetje.
Goodman tha se rastin e saj ia kanë humbur UNMIK-u, EULEX-i, por as shteti i Kosovës nuk ka bërë asgjë në këtë drejtim.
E mbijetuara e dhunës seksuale i luti deputetët e Kuvendit të Kosovës, që t’i marrin seriozisht krimet e luftës.
“Unë nuk do të ndalem duke kërkuar drejtësi….”, tha Vasfije Krasniqi Goodman. /Telegrafi/
Promo
Reklamo këtuLufta Prigozhin - Putin
Më shumëParlamenti britanik miratoi mocionin e Alicia Kearns për Kosovën
Alarmi i Alicia Kearns për Ballkanin, politologët komentojnë deklaratën e deputetes britanike
Kastrati vendos "delen" mbi foltore, i drejtohet Qeverisë: Populli nuk është dele, krejt jeni hajna
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
Gjendet i vdekur një person në Doblibarë të Gjakovës
Mashtrime me vlerë 10 milionë euro, SPAK operacion kundër Call Center
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit