Drejtori i Shërbimit Spitalor, Klinik dhe Universitar, Valbon Krasniqi ka kërkuar nga drejtorët e spitaleve të kenë angazhim dhe vigjilencë maksimale për zbatim të planit për menaxhim dhe trajtim të rasteve me COVID-19.

Ai tha se aktualisht situata është e qetë dhe nuk ka raste të spitalizuara me variantin Omicron, por spitalet duhet të jenë në gatishmëri të plotë, që në rast të paraqitjes së rasteve të kenë të gatshme hapësirat dhe stafin e nevojshëm për të ofruar trajtimin e nevojshëm shëndetësor.

Lexoni të plotë njoftimin e SHSKUK-së:

Drejtori i përgjithshëm i Shërbimit Spitalor Klinik dhe Universitar të Kosovës, Valbon Krasniqi, ka mbajtur takim me drejtorët e spitaleve të përgjithshme.

Në takim është diskutuar plani i spitaleve të përgjithshme, për menaxhimin dhe trajtimin e rasteve me Covid-19.

Drejtori i ShSKUK-së, ka kërkuar nga drejtorët e spitaleve të kenë angazhim dhe vigjilencë maksimale për zbatim të planit  për menaxhim dhe trajtim të rasteve me Covid-19.

Sipas tij, edhe pse aktualisht situata është e qetë dhe nuk ka raste të spitalizuara me variantin Omicron, spitalet duhet të jenë në gatishmëri të plotë, që në rast të paraqitjes së rasteve të kenë të gatshme hapësirat dhe stafin e nevojshëm për të ofruar trajtimin e nevojshëm shëndetësor.​

ShSKUK ka planin për menaxhim të rasteve me Covid-19, në rast të ndonjë vale të re të mundshme me COVID-19, në nivel të klinikave të QKUK-së dhe spitaleve të përgjithshme”. /Telegrafi/