Valverde mund të shkarkohet në fillim të qershorit nga Barcelona

Presidenti i Barcelonës, Jose Maria Bartomeu, ka thirrur një mbledhje urgjente pas humbjes në Kupën e Mbretit nga Valencia, duke u takuar me Ernesto Valverden.

Skuadra katalunase humbi 2-1 në finalen e garës së dytë më të rëndësishme në Spanjë, ndërsa u eliminua më herët edhe nga Liga e Kampionëve.

Barcelona e ka fituar titullin e La Ligas në sezonin që lamë pas nën menaxhimin e Valverdes, por këto dy humbje u kanë shkaktuar një dridhje bordit dhe skuadrës blaugrane.

Real Madridi kishte sezonin më të keq të mundshëm duke përfunduar 19 pikë pas kampionit, por humbja e Barcelonës ndaj Valencias në Kupën e Mbretit, ka vënë të ardhmen e Valverdes në dilemë.

Skuadra katalunase ishte duke fituar 3-0 nga ndeshja e parë gjysmëfinale ndaj Liverpoolit, por në ndeshjen e dytë në Anfield ndodhi befasia që pakkush e kishte pritur.

‘The Reds’ përmbysën rezultatin në 4-0, duke e eliminuar Barcelonën nga gara më e madhe për klube në Evropë, por edhe duke edhe në këtë sezon ta fitonte Ligën e Kampionëve.

Më herët në këtë muaj, Bartomeu bëri me dije se Valverde është trajneri që ata e duan, mirëpo kjo humbje në Kupën e Mbretit, ka lëvizur gjërat.

“Ne i shikojmë gjërat nga një projekt afatgjatë dhe mendojmë për transferimet që ndodhin në çdo afat. Valverde? Ai ka kontratë me ne dhe është trajneri që ne e duam”, kishte thënë presidenti i Barcelonës në fillim të muajit maj.

Lexo po ashtu Bartomeu paralajmëron disa largime nga Barcelona

Por, sipas mediave në Spanjë, tani gjërat kanë ndryshuar dhe Valverde mund të shkarkohet nga bordi i klubit katalunas në fillim të muajit qershor. /Telegrafi/