Kryetari i Lëvizjes për Bashkim, Valon Murati, ka kujtuar 11 majin e vitit 1998, kur është nënshkruar marrëveshja për shkrirjen e potencialit luftarak të LKÇK në UÇK.
Murati, përmes një postimi në Facebook, ka treguar se “Marrëveshjen nga ana e Këshillit të Përgjithshëm të LKÇK-së e nënshkroi Sabit Gashi ndërsa nga ana e Shtabit Qendror të UÇK-së Rexhep Selimi. Nga ana e LKÇK-së në procesin negociator ka luajtur rol të rëndësishëm edhe Fatmir Humolli, si dhe Arben Fetoshi në rolin e ndërmjetësit të grupit të studentëve”.
“Në periudhën e negociatave përfundimtare dhe në atë të pas marrëveshjes ranë tre prej figurave më të rëndësishme të politikës së luftës çlirimtare: Bahri Fazliu-Gzimi (LKÇK), Ilir Konushevci-Mërgimi (UÇK) dhe Agron Rrahmani-Naseri (LKÇK). Rënie e tyre në këtë periudhë u bë simbol i bashkimit të përpjekjeve të popullit shqiptar për çlirim e bashkim kombëtar. Shkronjat e para të emrave të tyre qëndrojnë edhe në emërtimin e Gueriljes së Prishtinës ‘BIA’”, ka shkruar Murati.
Postimi i plotë i Muratit:
“Marrëveshja UÇK-LKÇK dhe tre dëshmorët
Më 11 maj të vitit 1998 pas një periudhe të gjatë negociatash u nënshkrua marrëveshja historike në mes të UÇK-së dhe LKÇK-së. Kjo marrëveshje përcaktonte që i gjithë potenciali luftarak i LKÇK-së të shkrihej në UÇK përderisa, LKÇK e ruante subjektivitetin politik dhe vazhdonte të ishte subjekt i pavarur politik. Kjo pjesë e marrëveshjes u realizua në plotësi, përderisa pjesa tjetër e cila parashihte krijimin e një fronti të politik, i cili do t’i bashkonte të gjitha forcat çlirimtare dhe ato që e përkrahin luftën, e që do të ishte udhëheqësi politik i luftës, fatkeqësisht nuk u realizua.
Sidoqoftë kjo marrëveshje ishte një hap i madh dhe i rëndësishëm drejt bashkimit të krejt potencialit luftarak nën një komandë në luftën tonë çlirimtare. Ky bashkim përkundër dallimeve politike e konceptuale, ishte sinjal për të gjithë sesi duhet bërë bashkë në momentet qenësore për fatet e vendit dhe të kombit. Gjithashtu ky bashkim ishte edhe një sihariq për të gjithë luftëtarët e liritë, militantët e çlirimit të cilët kishte kohë që e kërkonin këtë bashkim. Fatkeqësisht ky bashkim nuk u përcoll edhe me unifikimin e faktorëve të tjerë, duke e dëmtuar rëndë luftën tonë çlirimtare dhe rezultatet e saj me përçarjet që sillte ky mosbashkim.
Marrëveshjen nga ana e Këshillit të Përgjithshëm të LKÇK-së e nënshkroi Sabit Gashi ndërsa nga ana e Shtabit Qendror të UÇK-së Rexhep Selimi. Nga ana e LKÇK-së në procesin negociator ka luajtur rol të rëndësishëm edhe Fatmir Humolli, si dhe Arben Fetoshi në rolin e ndërmjetësit të grupit të studentëve. Sigurisht përpjekjet për bashkëpunim e bashkim në mes të LKÇK-së e UÇK-së datojnë së paku prej vitit 1996 dhe vazhduan edhe pas arrestimeve e vrasjeve të anëtarëve e udhëheqësve të UÇK-së e LKÇK-së. Madje në rajonin e Llapit e të Prishtinës veç kishte ndodhur ky afrim e bashkim në aktivitete të përbashkëta që prej fundit të vitit 1997. Por pas marsit 1998, kur lufta veç shpërtheu ishte e nevojshme që sa më shpejtë që ishte e mundur të bashkoheshin forcat çlirimtare në mënyrë që të konsolidohej lufta çlirimtare. Kështu KP i LKÇK-së i udhëhequr nga Bahri Fazliu-Gzimi caktojë si negociator me UÇK-në dy anëtarët e tij Sabit Gashin dhe Fatmir Humollin.
Në periudhën e negociatave përfundimtare dhe në atë të pas marrëveshjes ranë tre prej figurave më të rëndësishme të politikës së luftës çlirimtare: Bahri Fazliu-Gzimi (LKÇK), Ilir Konushevci-Mërgimi (UÇK) dhe Agron Rrahmani-Naseri (LKÇK). Rënie e tyre në këtë periudhë u bë simbol i bashkimit të përpjekjeve të popullit shqiptar për çlirim e bashkim kombëtar. Shkronjat e para të emrave të tyre qëndrojnë edhe në emërtimin e Gueriljes së Prishtinës “BIA”.
Bahri Fazliu – Gzimi i cili ra më 7 maj 1998 ishte ndër themeluesit e LKÇK-së në vitin 1993, dhe në momentin kur ra heroikisht ishte udhëheqës i LKÇK-së dhe kryeredaktor i organit të saj Çlirimi. Kishte jetuar për afro pesë vite në ilegalitet të thellë kudo në Kosovë por kryesisht në Prishtinë dhe ishte ndër bartësit e përhapjes së frymës dhe organizimit të luftës çlirimtare.
Ilir Konushevci – Mërgimi i cili ra më 9 maj 1998 ishte ndër figurat kyçe të UÇK-së në organizmin luftarak brenda Kosovës dhe kohëve të fundit njeriu ndër më të rëndësishmit në logjistikën e UÇK-së. Ishte një ndër përkrahësit e mëdhenj të afrimit të forcave çlirimtare, sidomos të UÇK-së dhe LKÇK-së.
Agron Rrahmani – Naseri i cili ra më 12 maj 1998 ishte ndër udhëheqësit e LKÇK-së, komandanti i parë i njësisë së saj guerile “Rexhep Mala”. Ishte ndër figurat kryesore në përgatitjen e strukturave ushtarake të LKÇK-së. Kishte jetuar me vite të tëra ilegal në Prishtinë aty ku edhe ra heroikisht në betejë me armikun.
E falënderoj mikun tim Gurakuq Dobruna – Kuqin për këtë portretizim të bukur e simbolik të bashkimit në luftë dhe në rënie për atdhe”, ka shkruar Murati. /Telegrafi/.
Promo
Reklamo këtuLufta Prigozhin - Putin
Më shumëVotoi pro Kosovës në Asamblenë Parlamentare të KiE-së, kërcënohet deputeti boshnjak
Diskriminimi ndaj shqiptarëve në Serbi, Von Cramon dhe eurodeputetët e tjerë shprehin shqetësimin dhe kërkojnë veprime
Numri i serbëve në Kosovë po zvogëlohet, por jo për shkak të “terrorit shqiptar”, Knaus: Pretendimet e tilla të Vuçiqit janë mashtrim
Dokumentari i televizionit Rai 3, reagon Rama: Sulmohet Meloni duke hedhur baltë mbi Shqipërinë
Gazetari britanik tregon nëse mund të ketë luftë në Kosovë dhe Bosnjë
U tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
A u vodh Barcelona në El Clasico? Cafu deklarohet shkurt dhe qartë
Dëshmitarja që pa vrasjen e gazetares britanike në vitin 1999, pretendon se pas këtij akti qëndron serbi i njohur si Legia
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Gazetari britanik tregon nëse mund të ketë luftë në Kosovë dhe Bosnjë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
"O Bes Kallaku", reagimi epik i Xhensilës kur fansat i përmendin ish-partnerin në koncert