“Vaksina e AstraZeneca nuk është gati për aprovim të shpejtë evropian”

Autoriteti Evropian i Barnave (EMA) ka shumë të ngjarë të mos jetë në gjendje të miratojë vaksinën për COVID-19 të zhvilluar nga prodhuesi i ilaçeve AstraZeneca dhe Universiteti i Oksfordit në janar.

“Ata madje nuk kanë paraqitur ende një kërkesë tek ne”, ka thënë zëvendësdrejtori ekzekutiv i mbikëqyrësit, Noel Wathion.

Rregullatorët evropianë kanë marrë vetëm disa informacione rreth vaksinës, ka bërë të ditur më tej Wathion.

“As edhe për të garantuar një licencë të kushtëzuar të marketingut”, tha ai. “Ne kemi nevojë për të dhëna shtesë në lidhje me cilësinë e vaksinës. Dhe pas kësaj, kompania duhet të aplikojë zyrtarisht”.

Kjo e bën “të pamundur” që një miratim të mund të jepej muajin tjetër, tha Wathion.

AstraZeneca ka thënë për Reuters javën e kaluar se vaksina e saj COVID-19 duhet të jetë efektive kundër variantit të ri të coronavirusit, duke shtuar se studimet ishin në proces për të hetuar plotësisht ndikimin e mutacionit.

Ajo ka paraqitur një paketë të plotë të të dhënave rreth vaksinës së saj, rregullatorit britanik të ilaçeve, ka bërë të ditur ministri britanik i shëndetësisë Matt Hancock. /Telegrafi/