Vaji i flokëve, një produkt unik bukurie

Vaji cilësor i bimëve është variant ideal për flokët, ngaqë përmban acide esenciale dhe ushqime për flokët. Funksionet e tij kryesore janë të ushqejë dhe të rigjenerojë intensivisht flokët. Por kjo nuk është e gjitha.

Vaji lehtëson shumë procesin e stilimit të flokëve, mbron flokët nga rrezet UV kur stiloni me nxehtësi, dhe parandalon majat e djegura. Lexoni më poshtë për të mësuar si të aplikoni vajin në flokë.

Vaj ulliri
Është në veçanti i dobishëm për flokë të yndyrshëm me zbokth. Ushqen rrënjët e flokëve dhe nxit rritjen e fillesave të flokëve.
Vetëm ngrohni një sasi të vogël vaj ulliri në një enë. Shpërndani vajin në mënyrë të barabartë në të gjithë gjatësinë e flokëve, pastaj mbuloni kokën me një peshqir dhe lëreni për 20-30 minuta.
Vaji i ullirit gjithashtu është shumë i mirë dhe në trajtimin e flokëve të thara, flokëve të dëmtuara si dhe ato të egërsuara.

Vaj rozmarine
Rozmarina është shumë e mirë për ata që vuajnë nga zbokthi, pasi e qetëson dhe e stimulon atë. Në përdorim të vazhdueshëm (1 ose 2 herë në javë), ky vaj nxit rritjen e flokëve dhe forcon rrënjën.
Ju thjesht duhet të ngrohni pak vaj ulliri së bashku me disa fleta rozmarinë në të, mundësisht, në një mikrovalë. Lejoni atë të qëndrojë për një kohë dhe tundeni. Vendosni këtë në një shishe dhe vazhdoni ta aplikoni, sa herë që flokët tuaj kanë nevojë për vajosje. Vaji rozmarinë rrit qarkullimin brenda kokës dhe ajo është e njohur gjithashtu se parandalon kancerin.

Vaj kokosi
Përdorimi i vajit të kokosit ka rezultuar të jetë mjaft efektiv në trajtimin e flokëve të dëmtuar, mbron flokët nga nxehtësia e tharëses, piastrës apo çdo mjeti tjetër që përdor nxehtësinë
Masazhimi i kokës tuaj një herë në javë me vaj të ngrohtë kokosi do të ndihmojë vërtetë në menaxhimin e humbjes së flokëve dhe nxitur rritjen. Një masazh me vaj kokosit gjithashtu ndihmon në ruajtjen e shkëlqimit dhe shëndetin e fillesave të flokëve. /Telegrafi/