Arsovski: Firma që deri vjet ka qenë bashkëpronare me familjen Zaev ka marrë 220.465 euro nga Fondi për Inovacione

Zëdhënësi i OBRM-PDUKM-së, Dimçe Arsovski në konferencë për shtyp tha se “firma ‘Power AD’ e cila deri më 7 gusht vitin e kaluar ka qenë bashkëpronare me familjen Zaev, përmes firmës ‘Elenica’ ka marrë grant nga Fondi për Inovacione prej 220.465 euro”.

Ai theksoi se firma tani udhëhiqet nga Mitko Hristov i cili deri vjet ka qenë bashkëpronar me familjen Zaev dhe themelues i të njëjtë firmë, njofton Telegrafi Maqedoni.

Opozita maqedonase thotë se ka indicje për dyshime për shkak se firma është hapur më 9 shkrut ndërsa thirrja për grant është publikuar dy muaj pas themelimit të firmës.

“Zaev gënjeu se format e tij nuk kanë konkurruar në thirrjet për subvencionim. Shohim dëshmi që vërteton se po gënjejnë. Dhe normalisht, ai që gënjen ai edhe vjedh. Interesante është se bëhet fjalë vetëm për një aplikacion mobil, që do ta zbulojmë ditëve në vijim”, tha Arosvski.

Ai pyeti Petar Hristovin i cili është i biri i bashkëpronarit të sqarojë për pronën e tij dhe a mund që me paratë e Fondit për Inovacione të blejë Porsche Panamera./Telegrafi/