Testi kishte për qëllim të kontrollonte përshtatshmërinë e tyre për përdorim. Ata duan të përgatisin ushtarë për të ardhmen.

Ushtria franceze mori përforcime nga qeni robot Boston Dynamics “Spot” gjatë një misioni provë.

Me sa duket roboti supozohet të përdoret për zbulim. Boston Dynamics u kritikua vazhdimisht, për shembull për shkak të përdorimit të tij si një “qen policie”, transmeton Telegrafi.

Siç tregojnë fotografitë dhe videot e provës në Twitter, kursantët në Spéciale Militaire de Saint-Cyr duhet të jenë të përgatitur për sfidat e ardhshme.

Misioni zgjati 2 ditë. U testuan skenarë të ndryshëm, të tilla si një aksion sulmues në një kryqëzim, veprime mbrojtëse ditën dhe natën dhe një aksion luftarak në qytet. Për krahasim, të gjithë skenarët u kryen një herë vetëm me njerëz dhe një herë me njerëz dhe robotë.

Ndër të tjera, agresiviteti dhe pikat e dobëta të robotëve duhet të analizohen. Në një raport nga portali i lajmeve Quest-France, thuhet se robotët kishin ngadalësuar veprimet, por u ofronin shërbimeve të urgjencës një mbrojtje më të mirë. Megjithatë, një problem është fuqia e ulët e baterisë në Spot.

Siç raporton The Verge, robotët nuk u shitën përmes vetë Boston Dynamics, por përmes tregtarit evropian Shark Robotics. Kompania nuk ishte informuar se robotët po përdoreshin për qëllime ushtarake. /Telegrafi/