“Ushtria e dronëve” të Ukrainës ka komandantin e saj

Koloneli Vadym Sukharevskyi është emëruar si Komandant i Forcave të “Sistemeve Pa pilot” të Forcave të Armatosura të Ukrainës.

Kështu thuhet në një njoftim nga Shtabi i Përgjithshëm, transmeton Ukrinform, përcjell Telegrafi.

“Sipas urdhrit të Ministrit të Mbrojtjes së Ukrainës të datës 10 qershor 2024, koloneli Vadym Sukharevskyi u emërua Komandant i Forcave të Sistemeve Pa pilot të Forcave të Armatosura të Ukrainës”, thuhet në postim.

Siç kujtojnë mediat e huaja, më 6 shkurt, presidenti Volodymyr Zelensky nënshkroi një dekret që parashikonte krijimin e Forcave të Sistemeve Pa pilot si një lloj i veçantë ushtrie brenda Forcave të Armatosura të Ukrainës.

Lajmi vjen në të njëjtën kohë kur ushtria e Ukrainës tha se ka dëmtuar tre sisteme të mbrojtjes tokë-ajër në Krimenë e pushtuar nga Rusia gjatë natës së të hënës.

Siç thuhet më tej, raketat goditën një sistem S400 në Dzhankoi dhe dy sisteme S300 pranë Yevpatoriya dhe Chornomorske, duke rezultuar në “humbje të konsiderueshme” për mbrojtjen ajrore ruse, tha shtabi i përgjithshëm i Ukrainës. /Telegrafi/