Ushtari i EUFOR-it shkakton skandal në Bosnje – feston ditën antikushtetuese të Republikës Serbe

Një ushtar i EUFOR-it mori pjesë në kremtimin e Ditës jokushtetuese të Republikës Serbe të Bosnje-Hercegovinës në komunën e Milicit.

Fotografia e ushtarit është komentuar në rrjetet sociale nga përfaqësuesi në Kuvendin Kombëtar të Republikës Serbe, Ramiz Salkiq, i cili ka dënuar këtë veprim të ushtarit.

“Ata që duhet të mbrojnë Marrëveshjen e Dejtonit dhe pjesë përbërëse e saj është Kushtetuta e Bosnjë-Hercegovinës dhe vendimet e saj, ata marrin pjesë në festimin e 9 janarit si Dita e RS-së, në kundërshtim me vendimin e Gjykatës Kushtetuese. EUFOR-i në takimin në Milic”, ka shkruar ai në platformën X me një fotografi të cilën më herët e ka publikuar zyrtarisht komuna e Milicit.

Komuna njoftoi se “9 janari u shënua me ceremoninë përkujtimore për luftëtarët e rënë në dhomën përkujtimore dhe vendosjen e kurorave me lule në memorialin qendror në Milici – Dita e Republikës Serbe”. Fotot tregojnë gjithashtu një ushtar të EUFOR-it me një qiri të ndezur në dorë.

Në komunikatën e komunës së Milicit nuk flitet për ushtarin e EUFOR-it.

Oni koji bi trebali da štite DMS, a njegov sastavni dio je Ustav Bosne i Hercegovine, i njegove odluke oni prisustvuju obilježavanju 9. januara kao dana Rs, suprotno odluci Ustavnog suda. EUFOR na skupu u Milićima. pic.twitter.com/MsQTbHZhje

— Ramiz Salkić (@RamizSalkic) January 10, 2024

Ndërkohë, EUFOR foli dhe shpjegoi në një deklaratë për shtyp se ushtari i tyre ishte “në detyrë dhe mision dhe se ai është pjesë e ekipit ndërlidhës dhe vëzhgues të EUFOR-it me komunitetin lokal”.

“Mund të themi se ushtari i shfaqur në foto është anëtar i ekipit të ndërlidhjes me komunitetin lokal dhe autoritetet. Një nga detyrat e rregullta të anëtarëve të atij ekipi është të vëzhgojnë ngjarjet lokale në mënyrë që të ndërgjegjësohen për nevojat dhe shqetësimet e njerëzve. Një anëtar i ekipit tonë mori pjesë në ceremoni si vëzhgues”, deklaroi EUFOR-i.

Kryetari i Komunës së Milicit, Marko Saviq, tha për Radion Evropa e Lirë se nuk sheh asgjë të kundërshtueshme në praninë e anëtarëve të EUFOR-it.

Ndryshe, parada e mbrëmjes së martës në Banja Luka ishte plot me shumë detaje të diskutueshme, nga këngët nacionaliste e deri te simbolet fashiste, raporton jutarnjilist.

Parada nëpër rrugët e Banja Lukës, e cila zhvillohet çdo vit më 9 janar, mbledh një gamë të larmishme pjesëmarrësish, duke përfshirë përfaqësues të Policisë së RS, shërbimet publike të njësive, anëtarë të çmobilizuar të Ushtrisë së RS, studentë, por edhe anëtarë të dega e grupit rus të motoçiklistëve, “Ujqërit e natës” në RS, i cili njihet për mbështetjen ndaj presidentit rus, Vladimir Putinit.

Polemika kryesore qëndron në faktin se Gjykata Kushtetuese e Bosnjë dhe Hercegovinës e ka shpallur tashmë Ditën e RS-së si antikushtetuese tre herë. Ky vendim nuk është vetëm ligjërisht i detyrueshëm, por përfaqëson edhe një parim themelor të shtetit ligjor në vend. /Telegrafi/