Usain Bolt beson se ‘super-atleti’ Cristiano Ronaldo do ta mposhte atë në një garë ditëve të sotme

Kampioni i shumëfishtë i atletikës, Usain Bolt, beson se sulmuesi i Juventusit, Cristiano Ronaldo, do ta mundte atë nëse do të garonin në vrapim.

Atletik nga Xhamajka vrapoi 100 metra sprint në një rekord botëror prej 9.58 sekonda në Kampionatin Botëror të Atletikës në Berlin më 2009, por nuk ka qenë aq i përkushtuar në trajnimin e tij që nga pensionimi nga atletika në vitin 2017.

Pesë herë fituesi i Topit të Artë, Ronaldo vrapoi 92 metra brenda 10 sekondave me 33.12 km/h për Juventusin kundër Napolit në shtator të 2019, ndërsa regjistroi gjithashtu shpejtësinë më të shpejtë në Kupën e Botës 2018.

Lexo po ashtu Askush nuk është i përkryer, legjendat sportive kanë statistika të tmerrshme në disa aspekte – Nga Messi e Bolt, tek Nadal e Hamilton  

Dhe Bolt, i cili në mënyrë të pasuksesshme u përpoq të kalonte në futboll profesional, llogarit se ‘super-atleti’ Ronaldo, që vazhdon ende në formë me 35 vjeç, është më i shpejtë se ai në ditët e sotme.

“Me siguri që Cristiano është më i shpejtë se unë”, ka thënë fillimisht Bolt për Marca Sport Weekend.

“Për mua ai punon çdo ditë, ai është një super-atlet”.

“Ai gjithmonë në majë të lojës së tij, punon shumë dhe është i përqendruar”.

Lexo po ashtu Usain Bolt zbulon emrat e tre futbollistëve që do t'i merrte me vete në garën 4x100 metra

“Tani për tani unë patjetër mendoj se ai do të ishte më i shpejtë se unë”, përfundoi atleti i njohur.

Bolt në të kaluarën kur u pyet nga FIFA.com se cilët lojtarë do të kishte me vete në një garë stafetë 4×100 metra, njeriu më i shpejtë në botë zgjodhi Ronaldon, Gareth Bale dhe Kylian Mbappe. /Telegrafi/

Getting in the sprints 🏃🏻💨#FinoAllaFine pic.twitter.com/vJ2huf8ZNG

— JuventusFC 🇬🇧🇺🇸 (@juventusfcen) July 16, 2019