United po përgatitë ofertë për blerjen e kartonit të Sabitzer

Marcel Sabitzer është bashkuar me Manchester United në ditën e fundit të afatit kalimtar të janarit si huazim nga Bayern Munich.

Mesfushori argjentinas pritet të rikthehet në verë te Bayerni, pasi huazimi i tij është gjashtë mujor.

Megjithatë Manchester United po planifikon blerjen përfundimtar të austriakut i cili ka shkëlqyer në Old Traford në këto tre muaj qëndrim.

Sabitzer deri më tani ka zhvilluar 13 ndeshje me fanellën e Djajve të Kuq ku ka realizuar tre gola dhe ka asistuar në një tjetër.

Trajneri i United, Erik Ten Hag është i kënaqur me paraqitjen e austriakut dhe ka kërkuar nga drejtuesit e klubit blerjen përfundimtare të tij.

Lexo po ashtu ‘Vetëm huazim deri në verë’ – Sabitzer nxit thashetheme se do të kthehet te Bayerni

Pas një viti e gjysmë të vështirë në Munich, Sabitzer është i gatshëm të mbetet në Old Traford, ku ka gjetur besimin e duhur.

Për transferimin e përhershëm të 29-vjeçarit austriak, Djajtë e Kuq janë të gatshëm të shpenzojnë 29 milionë euro, shumë që pritet ta kënaq Bayernin që kishin investuar 15 milionë euro në vitin 2021 për blerjen e tij nga RB Leipzig. /Telegrafi/