United e bënë prioritet transferimin e Tolissos në verë

Manchester United po kërkon me çdo kusht transferimin e Corentin Tolissos gjatë afatit kalimtar të verës.

Mesfushori francez është nxjerr në shitje nga Bayern Munich, pasi këtë vit ka humbur vendin e titullarit në klubin gjerman.

25-vjeçari është paraqitur në 24 ndeshje këtë edicion, duke shënuar tre gola e duke bërë pesë asistime, por kryesisht është inkuadruar nga banka rezervë.

Trajneri i Manchester United, Ole Gunar Solskjaer e pëlqen jashtëzakonisht shumë francezin dhe ka kërkuar nga drejtuesit e klubit transferimin e tij.

Duke marrë parasysh çmimin e lojtarit prej 40 milionë euro, drejtuesit e klubit anglez kanë filluar negociatat me bavarezët.

Djajtë e Kuq janë gati të shpenzojnë shumën e kërkuar nga Bayerni për Tolisson, por duhet ta fitojnë garën për francezin me skuadrat tjera të interesuara për të.

Inter, Napoli dhe Juventus gjithashtu e duan lojtarin, ndërsa interesim për të ka shfaqur edhe Arsenali.

Gjithsesi Djajtë e Kuq e kanë bërë prioritet transferimin e tij dhe tani mbetet në dorë të lojtarit të vendos se ku do të transferohet, pasi largimi i tij nga Bayerni është i sigurt. /Telegrafi/