Ukrainasit përdorin armët britanike, tanku rus dhe dy automjete të tjera shndërrohen në “top të madh zjarri”

Trupat ukrainase kanë goditur dhe shkatërruar një tank rus dhe dy automjete luftarake të këmbësorisë duke përdorur obuset britanike M777, të cilat hodhën në erë makinerinë e Kremlinit duke e shndërruar në “një top të madh zjarri”.

Sipas mediave të huaja, përcjell Telegrafi, pamjet ajrore tregojnë Brigadën e 81-të Ajrore duke përdorur armët me rreze të gjatë për të synuar automjetet ruse.

Komanda e Trupave Sulmuese të Forcave të Armatosura të Ukrainës tha më 18 qershor: “Armët e Brigadës 81 të DShV [Forcat Sulmuese Ajrore të Ukrainës] shkatërruan një tank dhe dy automjete luftarake këmbësorie të pushtuesve rusë”.

Lexo po ashtu "Përgatitje për luftë" kërkon nga ushtarët e vendit të tij edhe një tjetër gjeneral britanik

Si rezultat, në veçanti, një tank dhe dy automjete luftarake të këmbësorisë të pushtuesve rusë – së bashku me ekuipazhet e tyre – u kthyen në skrap.

Kjo është goditja e fundit për forcat ruse që kanë pësuar humbje të mëdha në personel dhe pajisje ushtarake në pushtimin e tyre të kushtueshëm katër-mujor.

Në këtë drejtim, Ukraina pretendon se Rusia ka humbur 33,800 personel, 1,477 tanke, 3,588 automjete luftarake të blinduara, 749 njësi artilerie, 235 sisteme raketash të shumëfishta, 98 sisteme të mbrojtjes ajrore, 216 aeroplanë luftarakë, 181 helikopterë, 601 dronë, dhe jo vetëm. /Telegrafi/