LAJMI I FUNDIT:

Ukraina thotë se ‘goditja më e madhe’ nuk ka ardhur ende

Ukraina thotë se ‘goditja më e madhe’ nuk ka ardhur ende

Zëvendësministrja e Mbrojtjes e Ukrainës, Hanna Maliar, ka thënë se “goditja më e madhe” në fushatën kundërofensive të Kievit kundër forcave ruse nuk ka ardhur ende, por pranoi se operacioni është i vështirë pasi Moska “po hedh” gjithçka mundet në betejë për të parandaluar Ukrainën të ecë përpara.

Ndryshe, Ukraina filloi fazën e parë të kundërofensivës së saj të përfolur prej kohësh dy javë më parë për të rimarrë tokën e pushtuar nga forcat ruse.

Por mes raporteve për përparim të ngadalshëm nga forcat e Ukrainës dhe rezistencës së ashpër nga Rusia, zyrtarët në Moskë kanë pohuar se ofensiva ukrainase ka dështuar.


Ushtria ukrainase, e cila ka mbajtur një heshtje të rreptë për fushatën në përgjithësi, njoftoi të hënën se ishin arritur fitore të vogla dhe tetë fshatra të çliruar deri më tani, së bashku me rreth 113 km katrorë të territorit.

Por “goditja më e madhe nuk ka ardhur ende”, citohet të ketë thënë Maliar të hënën, përcjell Telegrafi.

Eksperti ushtarak zbulon pse Prigozhin mund të dëshirojë fshehurazi të shohë një fitore të Ukrainës ndaj Rusisë
Lexo po ashtu Eksperti ushtarak zbulon pse Prigozhin mund të dëshirojë fshehurazi të shohë një fitore të Ukrainës ndaj Rusisë

“Operacioni në vazhdim ka disa objektiva dhe ushtria po i përmbush këto detyra”, shkroi ajo në aplikacionin e mesazheve Telegram.

“Armiku nuk do të heqë lehtësisht pozicionet e tij dhe ne duhet të përgatitemi për një duel të ashpër”, tha ajo. “Në fakt, kjo është ajo që po ndodh tani”.

Presidenti rus Vladimir Putin tha në fund të javës së kaluar kundërofensiva ukrainase nuk pati ndonjë sukses domethënës.

Por disa blogerë ushtarakë rusë thonë se Kievi ka bërë përfitime të vogla në kurriz të humbjeve të mëdha të trupave dhe pajisjeve.

Ndërsa është e pamundur të verifikohet në mënyrë të pavarur operacioni ushtarak përgjatë pikave më të diskutueshme të vijës së frontit, agjencia e lajmeve Reuters ishte në gjendje të konfirmonte se forcat ukrainase kanë avancuar në fazën e hershme të kundërofensive.

E Instituti për Studimin e Luftës (ISW), një institut me bazë në Uashington DC, citoi burime të dielën duke thënë se forcat ukrainase mund të ndalojnë përkohësisht operacionet kundërofensive për të “rivlerësuar taktikat e tyre për operacionet e ardhshme”.

ISW përsëriti gjithashtu se fushata kryesore kundërsulmuese nuk kishte filluar ende.

Prodhuesi amerikan Lockheed Martin 'gati për të trajnuar pilotët ukrainas'
Lexo po ashtu Prodhuesi amerikan Lockheed Martin 'gati për të trajnuar pilotët ukrainas'

“ISW ka vënë në dukje më parë se Ukraina nuk ka angazhuar ende shumicën e forcave të saj në dispozicion për operacione kundërsulmuese dhe nuk ka nisur ende përpjekjet e saj kryesore”, tha ISW në analizën e saj të përditshme të situatës.

“Pauzat operacionale janë një tipar i përbashkët i sipërmarrjeve të mëdha sulmuese dhe kjo pauzë nuk nënkupton fundin e kundërofensive të Ukrainës”.

Ndërkohë në fjalimin e tij të natës me video, presidenti i Ukrainës, Volodymyr Zelensky, tha se “në disa zona, luftëtarët tanë po ecin përpara, në disa zona ata po mbrojnë pozicionet e tyre dhe po u rezistojnë sulmeve të pushtuesve dhe sulmeve të intensifikuara”.

“Nuk kemi pozita të humbura. Vetëm të çliruara. Ata kanë vetëm humbje”, ka theksuar ai. /Telegrafi/

Në trend Botë

Më shumë
Më shumë se 30 vende të gatshme për të dërguar trupa në Ukrainë për të siguruar paqen

Më shumë se 30 vende të gatshme për të dërguar trupa në Ukrainë për të siguruar paqen

Botë

"Na ktheni Statujën e Lirisë", i thotë SHBA-së eurodeputeti francez

Botë
Njihuni me xhaminë e ndërtuar me teknikën

Njihuni me xhaminë e ndërtuar me teknikën "pa gozhdë" në Turqi që qëndron në këmbë prej dy shekujsh

Botë
Japonia vendos raketa me rreze të gjatë veprimi, të afta për të goditur Korenë e Veriut dhe Kinën

Japonia vendos raketa me rreze të gjatë veprimi, të afta për të goditur Korenë e Veriut dhe Kinën

Azia
Trupat ukrainase përshkruajnë skenat

Trupat ukrainase përshkruajnë skenat "si në një film horror" nga Kursku i Rusisë

Botë
Paqeruajtësit në Ukrainë duhet të jenë të gatshëm të luftojnë kundër Rusisë nëse është e nevojshme, thotë një ish-zyrtare e NATO-s

Paqeruajtësit në Ukrainë duhet të jenë të gatshëm të luftojnë kundër Rusisë nëse është e nevojshme, thotë një ish-zyrtare e NATO-s

Botë
Kalo në kategori