Ujkani: Nuk jam i lumtur te Rizespor, Milani ta marr Zhegrovën pasi është si Dybala

Kapiteni i Kosovës, Samir Ujkani, ka dhënë një intervistë për TuttoMercatoWeb, ku ka folur për situatën e tij, por edhe shumë gjëra rreth të ardhmes.  

Ai ka thënë fillimisht se nuk është i kënaqur me pozitën e tij tek klubi Rizespor.

“Nuk jam i lumtur sepse nuk jam duke luajtur. Situata e ekipit është negative. Kemi nevojë për një mrekulli për të shpëtuar. As në nivelin individual nuk po shkon mirë, unë kam ardhur për të luajtur. Nuk është një moment i lumtur “, ka thënë fillimisht portieri në TuttoMercatoWeb.

Ujkani tregon se i ka kërkuar menaxherit të tij se dëshiron të ndërrojë skuadër.

“Po. Unë ia bërë të qartë agjentit tim. Do të doja të luaja, të mos luaj nuk është e lehtë. Mund të jap shumë. Unë shikoj përreth. Edhe pse kam folur me Rizespor disa ditë më parë. Për momentin duhet të vazhdoj të bëj të dytin. Le të shohim se çfarë do të ndodh”.

Portieri dhe kapiteni i Kosovës, shpreson që mund të kthehet në Itali, aty ku e ka zhvilluar karrierën e tij ndër vite.

“Sinqerisht po. Unë e kam zhvilluar një pjesë të mirë të karrierës sime në Itali. Njëmbëdhjetë vjet. Do të doja të kthehesha, por e di që nuk është e lehtë”.

Lexo po ashtu Milani po e monitoron Zhegrovën

Ujakni u pyet edhe për Gattuson, ku tha për të se është i lumtur që është në krye të Milanit.

Tutje u pyet edhe për Edon Zhegrovën, i cili së fundi po kërkohet nga Milani.

“Unë e mbështes atë pa asnjë dyshim … është i ri, ka cilësi të jashtëzakonshme që i kam parë vetëm te Dybala”.

“Shpresoj që Milan do të arrijë një marrëveshje me të: në fushë ai është ende një fëmijë, me Gattuso ai mund të bëhet burrë, ai është trajner për të cilin ka nevojë. Është me të vërtetë Messi i ri, siç është quajtur”, ka tënë Ujkani.

Ujkani në fund tha se vazhdon ta ndjek futbolli italian dhe se ka shumë miq atje, ndërsa shpreson që Palmero të kthehet në Serie A. /Telegrafi/