Udhëheqësi republikan i Senatit “ngrin në vend” në mes të konferencës për shtyp për disa sekonda – largohet nga aty për t’u kthyer më vonë

Udhëheqësi i pakicës në Senat, Mitch McConnell, papritmas ndaloi së foluri gjatë një konference javore për shtyp të mërkurën pasdite, dukej se “ngriu”, dhe më pas heshti dhe u largua.

Sipas mediave të huaja, përcjell Telegrafi, republikani McConnell, kishte bërë fjalën e tij hyrëse në lidhje me një projekt-ligj vjetor të politikës së mbrojtjes kur ai ndaloi së foluri.

Dhe ai heshti për disa sekonda.

Flag: McConnell just stopped abruptly during his opening statement during the gop leadership presser and appeared to be unable to restart talking. He then stepped away and walked away with Barrasso: pic.twitter.com/f1kFUjggzm

— Frank Thorp V (@frankthorp) July 26, 2023

Kolegët e tij republikanë e pyetën nëse ai ishte mirë dhe një zyrtar i lartë i McConnell, senatori John Barrasso nga Wyoming, një mjek, e shoqëroi McConnell, 81, larg kamerave dhe gazetarëve.

Disa minuta më vonë, McConnell u kthye vetë në konferencën për shtyp.

I pyetur për shëndetin e tij, ai tha se ishte mirë ndërsa i pyetur nëse është plotësisht në gjendje të bëjë punën e tij, ai tha: “Po”.

I pyetur për episodin, një ndihmës vuri në dukje thënien e McConnell-it, “Unë jam mirë”.

Asked about what happened at the top of the press conference, MCCONNELL says “I’m fine.”

— Frank Thorp V (@frankthorp) July 26, 2023

“Ai u kthye për të trajtuar pyetjet dhe përgjigjet, të cilat siç vunë re të gjithë ishin të mprehta”, tha ndihmësi.

Një zyrtar i Shtëpisë së Bardhë dhe një zëdhënës i senatorit konfirmuan se presidenti Joe Biden dhe McConnell folën me telefon të mërkurën. /Telegrafi/