Udhëheqësi i ISIS-it po mbrohet nga ushtria amerikane, pretendon politikanin irakian

Kreu i ISIS-it, Abu Bakr al-Bagdadi po mbrohet nga ushtria e Shteteve të Bashkuara, sipas një politikani irakian.

Sipas mediave të huaja, përcjell Telegrafi, anëtari i parlamentit irakian, Hassan Salem, pohon se SHBA po mbron udhëheqësin e ISIS-it.

Luftëtarët për grupin terrorist vazhdojnë të humbasin terren me forcat e koalicionit që afrohen në fortesën e tyre të vogël të mbetur, rreth gjysmë milje katrore, në luginën siriane Eufrat.

Në një deklaratë, politikani tha se forcat ushtarake amerikane në bazën ushtarake Ain Al-Assad ofrojnë të gjitha mjetet e mbështetjes për lëvizjet e Bagdadit midis Irakut dhe Sirisë.

Ai pretendoi se al-Baghdadi është në shkretëtirën e Anbarit në perëndim të Irakut dhe jo me forcën e ISIS në luginën e Eufratit sirian.

Sipas DailyStar, “Middle East Monitor” raporton atë të ketë thënë: “Al-Baghdadi po përdor shkretëtirën e Anbarit si një strehë të sigurtë ndërsa forcat amerikane i japin atij të gjitha mjetet e mbështetjes nga stacioni i tyre në bazën ushtarake Ain Al-Assad në provincën Anbar”.

Ai shtoi se mbështetja për Al Bagdadin “rrjedh nga frika e Uashingtonit për një projekt-ligj për largimin e trupave të huaja nga Iraku, për të cilin parlamenti ka ndërmend të votojë gjatë mandatit të ri legjislativ”.

Bagdadi nuk është shfaqur në një video që kur deklaroi veten si udhëheqës i kalifatit në një fjalim të vitit 2014. Gjithsesi, ai ka postuar mesazhe audio të ndryshme duke u kërkuar ndjekësve të vazhdojnë të luftojnë.

Mediat gjithashtu raportojnë se luftëtarët e ISIS-it janë të zemëruar me Bagdadin, përkatësisht për zhdukjen e tij në shkretëtirë, “në vend që të luftojë me ta deri në fund”. /Telegrafi/