U tha se Arsenalit iu mohua një penallti e pastër – Liga Premier sqaron gjithçka me një deklaratë

Tifozët e Arsenalit mbetën të zemëruar pas ndeshjes me Liverpoolin pasi ndjenë se atyre iu mohua një penallti e pastër.

Arsenal dhe Liverpool luajtën baras me rezultat 2-2 në kuadër të javës së nëntë në elitën e futbollit anglez.

Për Arsenalin golat i shënuan Bukayo Saka dhe Mikel Merino teksa për Liverpoolin realizuan Virgil Van Dijk dhe Mohamed Salah.

Përkundër një pjese të parë të mirë, tifozët e Arsenalit besojnë se ekipit të tyre iu mohua një penallti e pastër.

Teksa kishin kaluar 30 minuta lojë, Gabriel Martinelli u rrëzua brenda zonës së rrezikshme pas një ndërhyrje nga mbrojtësi Ibrahima Konate.

Lojtarët e Arsenalit kërkuan penallti në drejtim të gjyqtarit Anthony Taylor, por ky i fundit nuk ishte i të njëjtit mendim.

Arsenal are somehow not awarded a penalty for a foul on Martinelli 🤯🤯pic.twitter.com/MoVbjqmL2f

— AFCnewsroom (@TheAFCnewsroom) October 27, 2024

Pas përfundimit të ndeshjes, faqja zyrtare e Ligës Premier në platformën X ka dhënë versionin e tyre mbi atë se pse nuk u akordua penallti në atë rast.

“Vendimi i gjyqtarit për të mos akorduar penallti pas një ndërhyrje të Konates në Martinellin ishte rishikuar dhe konfirmuar nga VAR-i që gjykoi se Konate ka fituar topin”, thuhej shkurtimisht në reagimin e tyre./Telegrafi/