U dënua me nëntë vite burg nga Rusia – çfarë është duke ndodhur me basketbollisten amerikane

Çështja e Brittney Griner vazhdon, madje edhe pas dënimit të saj me nëntë vjet burg në Rusi javën e kaluar.

Por, ka ende shpresë se ylli i WNBA do të kthehet në Shtetet e Bashkuara si pjesë e një shkëmbimi të të burgosurve midis vendit të saj dhe Rusisë, ku ajo tani e gjen veten të bllokuar.

“Unë jam optimist”, deklaroi Bill Richardson, një ish-ambasador i Shteteve të Bashkuara në OKB.

Lexo po ashtu Donald Trump i vërsulet keq basketbollistes së arrestuar në Rusi

“Mendoj se ajo do të jetë e lirë. Megjithatë, do të ketë një shkëmbim të burgosurish, dhe mendoj se do të jetë dy me dy dhe do të përfshijë Paul Ëhelan; ne nuk mund ta harrojmë atë”.

“Të gjithë këta që janë ndaluar gabimisht duhet të kthehen në shtëpi”.

Richardson shtoi se fondacioni i tij, The Richardson Center, është i përfshirë në bisedimet për lirimin e tre amerikanëve të tjerë të mbajtur nga Rusia. Megjithatë, ai shpjegoi se bisedimet qeveri me qeveri do të duhej të mbaheshin.

Lexo po ashtu Basketbollistja amerikane Griner dënohet me nëntë vite burg në Rusi

Griner u dënua me nëntë vjet në Rusi javën e kaluar për posedim dhe kontrabandë droge. Ajo u deklarua fajtore për akuzat për posedim droge.

Gjyqi ndaj Griner vazhdoi për gati gjashtë muaj pas arrestimit të saj në shkurt në një aeroport të Moskës, pasi u zbulua se kishte vajra kanabisi.

Tani shpresohet se Griner mund të kthehet në Shtetet e Bashkuara si pjesë e një shkëmbimi të të burgosurve që ka të ngjarë të përfshijë Paul Ëhelan dhe Viktor Bout , një tregtar rus armësh. /Telegrafi/