Twitter-i njoftoi se do të lehtësojë një politikë 3-vjeçare që ndalonte reklamat politike në këtë platformë të medias sociale. Ky është ndryshimi më i fundit i ndërmarrë nga Elon Musk, teksa përpiqet të grumbullojë të ardhura pas blerjes së kompanisë vitin e kaluar.
Kompania postoi të martën vonë në Twitter se po lehtëson politikat për reklamat mbi çështje të rëndësishme në SHBA.
“Ne po planifikojmë gjithashtu të zgjerojmë gamën e reklamave politike që do të lejojmë, në javët e ardhshme”, shkruante kompania në llogarinë e saj në Twitter.
Twitter-i ndaloi të gjitha reklamat politike në vitin 2019, duke reaguar ndaj shqetësimit në rritje për përhapjen e dezinformatave në mediat sociale.
Drejtori ekzekutiv i atëhershëm i kompanisë, Jack Dorsey tha në atë kohë se reklamat në internet janë të fuqishme dhe efektive për reklamuesit komercialë, por kjo fuqi sipas tij “sjell rreziqe të mëdha për politikën dhe mund të përdoret për të ndikuar tek votat”.
Lëvizja e fundit duket se përfaqëson një shkëputje nga ajo politikë, e cila kishte ndaluar reklamat e kandidatëve, partive politike, zyrtarëve të zgjedhur ose të emëruar qeveritarë.
Reklamat politike përbënin një pjesë të vogël të të ardhurave të përgjithshme të Twitter-it. Shpenzimet totale për zgjedhjet për në Kongres, të vitit 2018 ishin më pak se 3 milionë dollarë.
Duke iu referuar ndryshimit të politikës mbi reklamat, Twitter-i tha se “reklamimi i një çështjeje mund të lehtësojë diskutimet publike rreth temave të rëndësishme” dhe se ndryshimi do të përafrojë politikën e reklamave të platformës me ato të “televizioneve dhe organeve të tjera mediatike”. Kompania nuk dha detaje të mëtejshme mbi këtë çështje.
Në mars të vitit 2021 kompania Facebook bëri një lëvizje të ngjashme për reklamat politike dhe sociale, duke hequr kufizimet e vendosura pas zgjedhjeve presidenciale të vitit 2020.
Musk e cilëson veten si një luftëtar të fjalës së lirë dhe e bleu Twitter-in sepse me sa duket besonte se kompania nuk po e përmbushte potencialin e saj si një platformë e fjalës së lirë. Por miliarderi i Teslës është detyruar të bëjë shkurtime të mëdha të kostove dhe po përpiqet të gjejë më shumë burime të ardhurash për të justifikuar blerjen prej 44 miliardë dollarësh të Twitter-it. /VOA/
Promo
Reklamo këtuLufta Prigozhin - Putin
Më shumëNga Rubrika
Intel zbulon kompjuterin më të madh neuromorfik në botë “të frymëzuar nga truri i njeriut”
Çfarë bën inteligjenca e përmirësuar artificiale e WhatsApp, Instagram, Facebook dhe Messenger
Ky rrjet social mund ta kërcënojë Facebook, Instagram dhe TikTok
Çfarë bën inteligjenca e përmirësuar artificiale e WhatsApp, Instagram, Facebook dhe Messenger
Ky rrjet social mund ta kërcënojë Facebook, Instagram dhe TikTok
Apple bëri të mundur që përdoruesit të shkarkojnë aplikacione nga faqet e internetit
Google dëbon nga puna 28 punëtorë që ishin të përfshirë në protesta kundër kontratës miliarda dollarëshe për Izraelin
Logitech po përgatit një mi "të zgjuar": Ju ndihmon të shkruani email ose të modifikoni tekstet - sa do të kushtojë
Roboti që i kapërceu kufijtë po del në pension
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi