Shefi ekzekutiv i Twitter Inc, Jack Dorsey, tha të mërkurën se kompania po eksploron lejimin e përdoruesve të saj të pranojnë “bakshishe”, ose të kryejnë pagesa dixhitale, nga ndjekësit e tyre.

Sipas mediave të huaja, përcjell Telegrafi, Dorsey tha se tipari do të ndihmonte platformën e medias sociale të fitonte më shumë para dhe “angazhim” nga baza e saj prej 192 milionë përdoruesish të përditshëm.

“Mendoj se gjëja e parë në të cilën duam të përqendrohemi është “mbështetja” ekonomike për njerëzit që po kontribuojnë në Twitter”, tha ai në Konferencën Virtuale të Teknologjisë dhe Internetit Goldman Sachs.

Futja e këtyre “shërbimeve” për përdoruesit dhe veçoritë e reja do ta ndihmonin kompaninë të diversifikonte të ardhurat e saj, të cilat aktualisht i fiton kryesisht nga shitja e reklamave në Twitter.

Kompania tha të martën gjatë një thirrje fitimesh me analistët se ai nuk priste që abonimet të ishin domethënëse për të ardhurat e kompanisë deri në vitin e ardhshëm. /Telegrafi/