Turqia ofron evakuimin me anije të njerëzve nga qyteti i rrethuar i Mariupolit

Turqia ka ofruar evakuimin e njerëzve të bllokuar në qytetin e rrethuar të Mariupolit përmes anijeve, njoftoi të shtunën ministri i mbrojtjes i vendit.

“Ne mund të ofrojmë mbështetje të anijeve për evakuimet nga Mariupol, veçanërisht për civilët, njerëzit e plagosur dhe qytetarët turq dhe qytetarët nga kombet e tjera”, u tha gazetarëve ministri Hulusi Akar.

Qyteti port, i cili shtrihet përgjatë Detit Azov në vijën bregdetare jugore të Ukrainës, ka pësuar dëme të shumta nga sulmet ruse dhe planet e tij për të operuar rrugë të sigurta evakuimi janë penguar deri të shtunën, raporton cnn.

Ministria turke e Mbrojtjes përcolli “kërkesën e saj për të mbështetur evakuimet” tek atasheu ushtarak rus në Ankara dhe atasheu ushtarak turk në Moskë, të cilët ia kaluan mesazhin autoriteteve ruse. Atasheu ushtarak ukrainas në Ankara gjithashtu ua kaloi mesazhin autoriteteve ukrainase.

Turqia priti ekipet e negociatave nga Rusia dhe Ukraina për bisedime në Stamboll më parë këtë javë. /Telegrafi/