Pas udhëtimit prej gjashtë ditësh, në një barkë të vjetër dhe të dëmtuar, 24 emigrantë që ishin nisur nga Afrika, arritën në Canary Island të Spanjës.
Ata u pritën nga turistët e pranishëm në bregdetin e ishullit spanjoll, të cilët iu dhanë ujë dhe ushqim, para se të njoftonin njësitet e shpëtimit për arritjen e tyre, transmeton Telegrafi.
Gjendja e 12 burrave, tetë grave dhe tre fëmijëve ishte mjaft e rënduar, sepse ata kishin kaluar në kushte shumë të vështira në det të hapur.
Njësitet e shpëtimit, i mbështollën ata me batanijet termale, derisa iu dhanë ndihmën e parë, ndërsa fëmijët janë dërguar për tretman mjekësor në spital.
Mësohet se asnjë prej tyre nuk është në gjendje kritike shëndetësore, derisa pritet të dërgohen në qendra për strehim. /Telegrafi/
