Tumblr do të lansojë një veçori të transmetimit të drejtpërdrejtë

Tumblr po shton mbështetje për transmetimin e drejtpërdrejtë përmes platformës video Livebox. Funksioni po shpërndahet për përdoruesit amerikanë në iOS dhe Android tani, dhe një lansim për përdoruesit globalë dhe faqen e desktopit është planifikuar për të ardhmen. Më shumë detaje përshkruhen në një postim në blog, i cili emërton këtë shërbim si Tumblr Live.

Tumblr ka mbështetur transmetimin në të kaluarën, por e bëri këtë duke i lejuar njerëzit të ndajnë transmetime nga shërbime të tjera si YouNow dhe YouTube. Opsioni i ri përshkruhet si një shërbim transmetimi vendas i Tumblr i mundësuar nga Livebox, raporton The Verge, transmeton Telegrafi.

Livebox u lejon përdoruesve të japin bakshish për transmetuesit dhe në të njëjtën mënyrë, Tumblr do t’ju lejojë të paguani krijuesit në një monedhë virtuale të quajtur “Diamonds”.

Sipas një njoftimi për shtyp Livebox ofron moderim të fuqizuar nga inteligjenca artificiale dhe njeriu për transmetimet, shërbimi gjithashtu i lejon transmetuesit të caktojnë shikues të besuar si moderatorë. Shërbimi i transmetimit deri më tani mbështetet vetëm për blogun kryesor Tumblr të përdoruesve, jo për ndonjë blog dytësor nën të njëjtën llogari.

Funksioni i ri vjen teksa Automattic, kompania e cila është pronare e Tumblr po përpiqet të rikthej në majë platformën e blogjeve të cilën e bleu nga Verizon në 2019. Tumblr ka korrur përfitimet e kaosit të fundit në Twitter, duke u shfaqur si një alternativë e mundshme ndaj politikave kaotike të pronarit të ri Elon Musk.

Funksioni i tij i transmetimit nuk ka gjasa të kapërcejë Twitch ose YouTube, por shton një medium tjetër – dhe një mënyrë të re për të fituar para – për komunitetin e madh të artistëve. /Telegrafi/