E përditshmja izraelite The Jerusalem Post publikoi sot një kopertinë që tërhoqi shumë vëmendje publike.
Në të, silueta e presidentit të SHBA-së Donald Trump është e mbushur me fytyrat e 48 pengjeve izraelite.
Sipër është titulli "Ai po i kthen ata në shtëpi", dhe më poshtë është një citat nga ish-kryeministrja izraelite Golda Meir.
“Ndoshta është shumë herët për të thënë ‘pas luftës’, sepse në fakt po jetojmë nën një armëpushim në një luftë që ende nuk ka mbaruar”, tha Meir.
Ndryshe, marrëveshja e fundit për armëpushimin dhe kthimin e pengjeve nga Gaza në Izrael u arrit me ndërmjetësimin e SHBA-së.
Sipas marrëveshjes, Hamasi duhet të lirojë 20 pengje të gjallë dhe trupat e disa të vdekurve të tjerë në tre ditët e ardhshme, ndërsa Izraeli do të lirojë rreth 2000 të burgosur palestinezë. /Telegrafi/
