Disa media amerikane sollën një raport që inteligjenca amerikane tani sugjeronte se sulmet ndaj Iranit nuk shkatërruan lokacionet bërthamore.
Një vlerësim i hershëm i inteligjencës tregoi se sulmet ushtarake amerikane në tre nga objektet bërthamore të Iranit fundjavën e kaluar nuk shkatërruan komponentët kryesorë të programit bërthamor të Teheranit dhe me shumë gjasa “e shtynë atë vetëm me muaj prapa”, raportoi CNN.
Ndërsa mbi një duzinë bombash u hodhën në dy nga objektet bërthamore, uzinën e Pasurimit të Karburantit Fordow dhe Kompleksin e Pasurimit Natanz, ato nuk i eliminuan plotësisht centrifugat dhe uraniumin shumë të pasuruar të vendeve, tha CNN, duke cituar njerëz të njohur me vlerësimin e hershëm.
Ai tha se vlerësimi u prodhua nga Agjencia e Inteligjencës së Mbrojtjes - krahu i inteligjencës së Pentagonit - dhe bazohet në një vlerësim të dëmeve të betejës të kryer nga Komanda Qendrore e SHBA pas sulmeve të SHBA-së.
Raporti nga Agjencia e Inteligjencës së Mbrojtjes vlerësoi se programi u vonua më pak se gjashtë muaj, tha New York Times në një raport tjetër.
Por Trump e ka hedhur poshtë këtë.
Trump, i cili ndodhet në Holandë për të marrë pjesë në samitin e NATO-s këtë javë, i quajti sulmet "NJË NGA SULMET USHTARAKE MË TË SUKSESSHME NË HISTORI", duke shtuar se "VENDET BËRTHAMORE NË IRAN JANË SHKATËRRUARA PLOTËSISHT!". /Telegrafi/
