Por, para se t’i raportohet Ki-Moonit, raporti, së pari, do t’u bëhet i njohur edhe Prishtinës e Beogradit, më 3 dhjetor. Ndërkohë, një ditë para raportimit te Sekretari i Përgjithshëm, Treshja do të raportojë edhe para vendeve anëtare të Grupit të Kontaktit.
Ndërmjetësi rus në këto bisedime, Alexander Botsan-Kharchenko, i ka thënë agjencisë ruse të lajmeve, RIA Novosti, se raporti nuk do të përmbajë asnjë konkluzion apo mesazh, sepse një gjë e tillë nuk është në mandatin e Treshes.
Edhe përkundër kësaj, Kharchenko, ka akuzuar palën kosovare e cila, sipas tij, nuk kanë qenë fare fleksibile në negociata sepse, ka insistuar vetëm në pavarësi ndërsa, pala serbe, ka dalë me propozime të reja dhe konkrete.
