“Trendi” i publikimit të librezave të nxënësve kap edhe VIP-at, ja kush publikoi imazhe të tilla (Foto)

Tashmë është kthyer në një lloj “trendi” te shqiptarët, që në fund të gjysmëvjetorit ose vitit shkollor, të publikojnë librezat e fëmijëve të tyre me fotografi në rrjetet sociale.

Kjo dukuri në fakt nuk është parë të ndodhë në asnjë vend tjetër të botës, teksa në Kosovë rrjetet sociale si Facebook dhe Instagram ‘mbushen’ në fund të vitit me fotografi të tilla.

Më e çuditshmja është që kjo gjë ka filluar të prek edhe figurat publike, të cilat ndoshta për klasin e lartë që kanë, nuk u shkojnë për shtat fotografi të tilla.

Këngëtari Blero ka publikuar sot (e e premte) në Instagram Story një fotografi, në të cilën shfaqte librezën e vajzës së tij Tarës, e cila e kishte përmbyllur suksesshëm këtë gjysmëvjetor.

Të njejtin sukses ka pasur edhe mbesa e Leonora Jakupit, e cila për notat maksimale në librezën e saj u ‘lartësua’ me një fotografi në Instagram nga halla e saj.

Sido që të jetë, është zgjedhja e gjithësecilit për atë se çfarë dëshiron të publikojë në rrjetet sociale, por mbase ekspozimi i tepërt i privatësisë nuk i jep edhe aq imazh të mirë një personazhi VIP. /Telegrafi/