Trendët më të rinj të grimit 2013

Trendët e rinj të grimit janë gjithnjë interesantë, nëse dëshironi që të jeni në hap me kohën dhe me pasarelat e modës së yjeve të famshme hollivudiane.

Ngjyra e kuqe
Këtë sezon ngjyra e kuqe me të gjitha nuancat e saj do të jetë një trend i madh, sidomos për buzëkuq. Nga ngjyra e kuqe e errët e deri te nuancat e hapura, e kuqja do të përdoret shumë.

Sytë e maces
Trendi më i ri sa i përket grimit të syve është ai që njihet si ‘sytë e maces’. Llajneri, që ndihmon krijimin e këtij stili, preferohet të jetë me ngjyrë të zezë të errët.

Vetullat e trasha
Këtë sezon mund ta humbni pincetën dhe të mos brengoseni për këtë. Trendi më i ri i vetullave të trasha ka filluar të përqafohet nga yjet e famshme dhe e tëra që ju nevojitet është një krehër i vetullave për t’i mbajtur ato në vend.

Hijet me ngjyra të errëta
Një tjetër trend sa i përket grimit të syve ka të bëjë me përdorimin e hijeve të errëta të syve. Kjo vjen si kontrast me sezonet e kaluara, kur grimi minimal ishte një trend kryesor. Tani preferohet sidomos përdorimi i hijeve me ngjyrë të zezë dhe të hirtë. /Telegrafi/