Tremujori i parë i Apple shpëtohet nga shitja rekorde e iPhone-ëve

Apple publikoi rezultatet e tremujorit të saj fiskal dhe ato janë më të mira se sa prisnin analistët. Cupertino fitoi 94.8 miliardë dollarë të ardhura midis janarit dhe marsit 2023, 3 për qind më pak nga 97.2 miliardë dollarë të vitit të kaluar.

Kompania shënoi shitje rekord të iPhone-ëve për periudhën e parë tre mujore të vitit dhe një rekord të të gjitha kohërave për shërbimet, duke përfshirë App Store, Apple Music, Apple Pay dhe iCloud.

Rënia nga viti në vit erdhi kryesisht nga shitjet e dobëta të Mac dhe iPad. Për fat të mirë për Apple, të ardhurat e iPhone ishin 51.3 miliardë dollarë, me rritje prej 2 për qind nga viti në vit, dhe u dyfishuan në baza vjetore në disa tregje të zhvilluara dhe në zhvillim si India, Indonezia dhe Turqia, raporton GSM Arena, përcjell Telegrafi.

Shërbimet e Apple tani kanë 975 milionë abonime të paguara, 150 milionë më shumë se në vitin 2022. Raporti zbuloi gjithashtu se pajisja aktive e instaluar tani është në mënyrë të qëndrueshme mbi 2 miliardë.

Tim Cook sqaroi se kompania do të vazhdojë të investojë për një afat të gjatë, duke përfshirë “përparim të madh drejt ndërtimit të produkteve neutrale të karbonit dhe zinxhirëve të furnizimit deri në vitin 2030”.

Apple pagoi 23 miliardë dollarë nga fluksi i parave operative prej 28.6 miliardë dollarësh për aksionarët dhe për të njëmbëdhjetën vit radhazi, dividenti tremujor është rritur, shtoi Cook. /Telegrafi/