Tregoi se është ‘ekspert’ për këtë punë: Momenti kur piloti amerikan bëri një ‘ulje emergjente’ në mes të autostradës

Një pilot, fitues i disa çmimeve bëri një ‘ulje emergjente’ në një autostradë të Minesotës të mërkurën, vetëm duke goditur një automjet sapo “aterroi” në autostradën e ngarkuar.

Sipas medieve të huaja, përcjell Telegrafi, aeroplani me një motor Bellanca Viking u ul dhe goditi një automjet, duke mbyllur përkohësisht një pjesë të autostradës të mërkurën mbrëma, thanë zyrtarët.

Dhe pamjet nga Departamenti i Transportit të Minesotës (MnDOT) tregojnë momentin kur 52-vjeçari Craig Gifford uli për mrekulli avionin në 35W.

Siç është bërë e ditur dy persona ishin në bord dhe autoritetet thanë se nuk u raportua për ndonjë të lënduar.

Gifford, një banor i Minneapolis, është një pilot garues aerobatik – një sport që përfshin fluturimin e avionëve në një seri manovrash.

Gifford kishte përfaqësuar Shtetet e Bashkuara në konkurrencën ndërkombëtare në vitin 2017 dhe 2019 me ekipin i cili solli në shtëpi medaljen e bronzit në kampionatet botërore në Afrikën e Jugut në vitin 2017. /Telegrafi/