Tre vjet nga vdekja e Kobe Bryant: Historia e një tragjedie

Tre vjet më parë, basketbolli humbi një nga lojtarët më të mëdhenj të të gjitha kohërave.

Më 26 janar 2020, Kobe Bryant vdiq në moshën 41-vjeçare në një aksident me helikopter ndërsa po shkonte për në një lojë me vajzën e tij Gianna , 13 vjeç, dhe miqtë e saj.

Humbën jetën edhe shtatë persona të tjerë, si dhe piloti, i cili u konsiderua përgjegjës për aksidentin pas hetimeve.

Kanë kaluar tre vjet nga ajo ditë, por Kobe nuk do të harrohet kurrë. Ai ishte idhulli i një brezi të tërë lojtarësh, të cilët u rritën duke e parë duke luajtur, duke u përpjekur të imitonin lëvizjet e tij.

Vdekja e Kobe dhe natyra tragjike e incidentit e bënë një legjendë tashmë të madhe edhe më të madhe.

Bryant ishte koshashënuesi i katërt më i mirë në historinë e NBA (33,643 pikë), fitoi pesë unaza, mori pjesë në 18 lojëra All Star, fitoi dy medalje të arta olimpike, shënoi 81 pikë në një lojë dhe 60 në ditën që doli në pension.

Një gjysmë-zot që dukej i paprekshëm

Ai u krahasua me një gjysmëperëndi, një qenie të paprekshme. Por befas Kobe u bë njeri në mënyrën më mizore të mundshme.

“Mendoni se ai mund të kishte ikur edhe nga aksidenti, ja sa i pathyeshëm ishte ai”, kishte thënë Pau Gasol, i cili e konsideronte atë një vëlla të madh dhe ka qenë i afërt me familjen Bryant pas vdekjes së tij.

Qendra ‘Staples’ e Los Angeles Lakers ishte e rrethuar nga mijëra fansa të cilët lanë para portave buqeta me lule, imazhe të idhullit, mesazhe dhe letra.

Shumë mure në Los Anxhelos kanë veshur murale të Kobe, ndërsa ndeshjet e NBA-së kanë nisur me lojtarët që përpiqen të mbajnë lotët e tyre.

Integriteti i Vanessa Bryant

Ndërkohë, e veja e tij, Vanessa Bryant, arrinte të ruante gjithmonë qetësinë. Ajo ishte e pranishme në procedurat ligjore për të pranuar neglizhencën e pilotit, Ara Zobayan.

Ajo kërkoi edhe një dëmshpërblim pasi fotografitë e aksidentit dolën nga policët dhe zjarrfikësit, të cilët ndodheshin në vendngjarje.

Madje, Vanessa hyri në një betejë ligjore kundër nënës së saj, Sofia Urbieta, e cila kërkonte dëmshpërblim për dyshimin se ishte dëbuar nga shtëpia e familjes.

Në ceremoninë në të cilën një Bryant i ndjerë u fut në Hall of Fame në maj 2021, Michael Jordan mbajti fjalimin e hyrjes.

“Kur Kobe vdiq, një pjesë e imja vdiq”, tha legjenda e NBA. /Telegrafi/