Tre të lënduar në dy aksidente komunikacioni në Prishtinë

Dy aksidente komunikacioni kanë ndodhur në orët e pasditës në kryeqytet, me ç’rast tre pesona kanë pësuar lëndime trupore.

Zëdhënësja e Policisë së Kosovës për rajionin e Prishtinës, Flora Ahmeti, ka thënë për telegrafun se në aksidentin e parë janë përfshurë një automjet dhe një motoçikletë, kurse në aksidentin e dytë një veturë ka goditur një këmbësor.

“Sot rreth orës 16:30, në rrugën ‘Afrim Zhitia’ në  Prishtinë, ka ndodhur një aksident trafiku, ku janë përfshirë një automjet dhe një motoçikletë. Si pasojë e aksidentit janë lënduar dy persona”, ka thënë Ahmeti për Telegrafin.

“Rreth orës 17:20 kemi pranuar informatën se në rrugën ‘Ilir Konushevci’ në Prishtinë, ka ndodhur një aksident trafiku me lëndime. Në këtë aksident kanë qenë të përfshirë, një këmbësor dhe një veturë në lëvizje. Si pasojë e aksidentit lëndime trupore kanë pësuar një ëmbësor”, tha Ahmeti.

Sipas zëdhënëses, personat e lënduar të të dyja aksidenteve janë dërguar për trajtim mjekësor. Ndërsa, me rastet po merret njësiti i trafikut./Telegrafi/