Trajneri i Portugalisë, Santos flet për ndeshjen ndaj Francës, kualifikimin dhe ndeshjen e ardhshme kundër Belgjikës

Trajneri i Kombëtares së Portugalisë, Fernando Santos është ndarë i kënaqur me lojën e ekipit të tij ndaj Francës, ku siguruan kualifikimin, ndërsa ka folur edhe për Belgjikës, që është kundërshtari i tyre i ardhshëm në Euro 2020.

Portugalia dhe Franca luajtën baras 2-2 në super-ndeshjen e fundit të Grupit F në kuadër të Euro 2020.

Golat u shënuan nga Cristiano Ronaldo (31’, 60’), të dyja nga penalltia, ndërsa për Francën shënoi Karim Benzema (45+, 47’), me të parin që erdhi nga pika e bardhë.

Lexo po ashtu Deschamps pas barazimit ndaj Portugalisë: Ishte një luftë, golat i pranuam nga gabimet

Me këtë rezultat të dy skuadrat e siguruan kualifikimin dhe kjo i ka pëlqyer trajnerit të Portugalisë, Santos, i cili ka lëvduar lojtarët e tij për lojën e treguar.

“Ajo që më pëlqeu shumë ishte sjellja kolektive e ekipit. Kur më pyetën se çfarë duhet të bënim, ishte ndryshe nga loja kundër Gjermanisë dhe thashë që do të duhet jemi vetja”, ka thënë fillimisht Santos pas ndeshjes.

“Ne ishin të fortë, të qëndrueshëm, me një shpirt të shkëlqyeshëm. Ne mund të vazhdojmë të përmirësohemi. Në pjesën e dytë nuk filluam mirë por u rigrupuam”.

🇵🇹 Portugal have a 100% record of progressing from the group stage at a EURO (8 out of 8) 👏#EURO2020 pic.twitter.com/vibeMGwle3

— UEFA EURO 2024 (@EURO2024) June 23, 2021

Santos ka folur edhe për ndeshjen e raundit tjetër, ku Portugalia ndeshet me Belgjikën, kombëtare e cila ka rreth 48 orë më shumë kohë për të pushuar.

Lexo po ashtu Orari i ndeshjeve të 1/8 në Euro 2020, katër ditë radhazi na presin super ndeshje

“Tani duhet të mendojmë për Belgjikën, të cilët janë kundërshtarë të fortë. Nëse shikojmë renditjen, ata janë të parët. Por, le të vlerësojmë dhe kuptojmë se çfarë duhet të bëjmë për këtë ndeshje”.

“Pushimi është shumë i rëndësishëm, ne duhet të rikuperojmë në mënyrë që lojtarët të jenë të freskët. Ne nuk mund ta përdorim këtë si një handikep. Le të shohim nëse ka pasur çdo ndryshim në Belgjikë, le të analizojmë ekipin dhe të përgatitemi për ndeshjen me qëllimin e zakonshëm: të ecim përpara”, përfundoi trajneri i Portugalisë. /Telegrafi/

Luani dhe fitoni shpërblime këtu >

Më shumë lajme nga kampionati Euro 2020 >
—