Trajneri i Arbërisë, Morina: Nuk po i konkretizojmë rastet, më dhimbsen pikët që i lamë në këtë ndeshje

Arbëria ka pësuar humbje nga skuadra kampione e Kosovës, Drita me rezultat 1-0.

Golin e vetëm në këtë ndeshje e shënoi mesfushori, Bujar Shabani, në minutat e fundit të pjesës së parë.

Pas ndeshjes ka folur edhe trajneri i Arbërisë, Arbnor Morina, i cili tha se për të fituar duhet të shënohet një gol më shumë se kundërshtari.

“Për me fituar ndeshjen duhet me shënuar një gol më shumë se kundërshtari. Drita i kishte rastet e veta dhe ne rastet tona, mbi të gjitha në këtë pikëllim që e kemi që i kemi humbur pikët, e kam pjesën e gëzimit sepse lojtarët luajtën mirë, të angazhuar dhe me një iniciativë në fushë”.

“Mirëpo, po na dhemb që nuk i morëm pikët, apo së paku me marr një pikë. Si duket pak po çalojmë në realizimin e rasteve, dhe kjo është një prej defekteve kryesore që i kemi në ekip”.

“Në anën tjetër po ndodh që shumë shpesh me marrë gol nga ndërprerjet edhe ato në 2-3 minutat e fundit të pjesës së parë edhe këtë duhet përmirësuar”, ka thënë Morina për ‘Art Sport’.

Lexo po ashtu Drita me triumf minimal në udhëtim te Arbëria

Arbëria mbetet në vendin e pestë me 11 pikë të grumbulluara, kurse skuadra e Dritës tashmë renditet në vendin e dytë me 16 pikë të mbledhura. /Telegrafi/