Tom Cruise rezervon një kat të tërë të një restoranti në Londër për të shijuar një darkë romantike me rusen Elsina Khayrova

Tom Cruise thuhet se ka krijuar të gjitha mundësitë për të dashurën e re Elsina Khayrova pasi ai e trajtoi atë me një takim darke në Londër kohët e fundit.

Aktori i “Mission Impossible”, 61 vjeç, i cili u pa për herë të parë me ish-gruan 36-vjeçare të një oligarku javën e kaluar, thuhet se ka rezervua një kat të tërë të restorantit ekskluziv Mayfair Novikov për darkën romantike për dy.

“Tom dukej shumë i dashur dhe i varur nga çdo fjalë që Elsina thoshte. Ata dukeshin fizikisht shumë të afërt. Atyre iu bashkua roja e tij amerikane e sigurisë, e cila u fut kur një anëtar i stafit kërkoi një foto”, tha një burim.

“Tomi ishte shumë bujar dhe i dha stafit 100 funte bakshish, përpara se ai dhe Elsina të largoheshin nga dera anësore në një makinë në pritje”, shtoi burimi.

Tomi u pa në shoqëri të saj për herë të parë në një festë me miqtë.

Ish-modelja, e cila është shtetase britanike, ishte e martuar më parë me manjatin rus Dmitry Tsetkov, me të cilin ndante një rezidencë prej 22 milionë funtesh në pasurinë e Wentworth në Surrey si dhe shtëpi në Londër me vlerë 18 milionë funte.

Çifti gjithashtu zotëronte prona në Dubai dhe Qipro së bashku me makinat, stolitë dhe koleksionet e tyre të artit me vlerë miliona paund.

Ish-burri i saj e ka paralajmëruar aktorin se ajo është e vështirë për t’u kënaqur – dhe pretendon se ai shpenzoi 10 milionë funte për rroba dhe 2 milionë funte për çanta gjatë martesës së tyre të trazuar 11-vjeçare.

Dmitry, 43 vjeç, i cili e bëri pasurinë e tij në diamante dhe miniera, pretendon se beteja e tij e ashpër trevjeçare e divorcit i kushtoi atij 150 milionë funte.

Dmitry zbuloi se ai nuk ka folur me Khayrova për marrëdhënien e saj me Cruise, i cili gjithashtu është aktori i tij i preferuar. /Telegrafi/