“Tinex“- 30 vite punë e suksesshme dhe investime të vazhdueshme në zhvillim dhe inovacion

Këtë vit, „Тinex“ shënon një arritje të rëndësishme – 30 vite punë të suksesshme në tregun maqedonas. Si pjesë e strategjisë së zhvillimit të kompanisë, por edhe si pjesë integrale e ekzistencës së „Tinex“ si grupacion, këtë vit fokusi ishte në ndryshime dhe përmirësime të mëdha me qëllim të arritjes së një përvoje të jashtëzakonshme të blerjes.

Janë zgjeruar dhe modernizuar pikat e shitjes, duke u ofruar konsumatorëve një përvojë edhe më të mirë gjatë blerjes. Kompania ka futur edhe kasa për vetë-pagesë, të cilat së shpejti do të jenë në numër edhe më të madh në pikat e shitjes në Shkup, duke rritur ndjeshëm efektivitetin në procesin e blerjes.

„Tinex“ sot ka në dispozicion 58 pika shitjeje në të gjithë Maqedoninë, nga të cilat 43 janë supermarkete, ndërsa të tjerat janë parfumeri „Cosmo“, „Tinex Home“, kafeteritë „ToGo“ dhe koncepti i ri i dyqaneve „SPOT“, të cilat plotësojnë nevojat e atyre që dëshirojnë të bëjnë pazare për artikujt e nevojshëm në një vend, por edhe të blejnë kafen e parë të mëngjesit apo mëngjesin rrugës për në punë.

Si pjesë e zgjerimit të vazhdueshëm të gamës së produkteve, „Тinex“ ofron një përzgjedhje të gjerë produktesh nga kategori të ndryshme, të cilat janë të disponueshme ekskluzivisht në rrjetin e „Тинекс“, si për shembull markat e njohura: „COOP“, „Chef a casa“, „Koukakis“, „Kolios“, „Gianni Negrini“, „Uggiano“, „Spitiki“, „Agriform“, „Radatz“, „Moser“, „Ciresa“, „Inalpi“, „Callipo“, „Garofalo“, „Aenaon“, „Senx up“ dhe „Pizzoli“. Këto produkte kanë pasuruar më tej përzgjedhjen në supermarketet, duke u ofruar klientëve akses në artikuj cilësorë dhe inovativë, me të cilët „Тineks“ dallohet në treg.

Megjithatë, kompania nuk është e fokusuar vetëm në sukseset komerciale. Përgjegjësia sociale mbetet një pjesë e rëndësishme e kulturës korporative të „Тinex“ dhe vazhdojnë nismat për mbështetjen e grupeve vulnerabël, klubeve sportive dhe segmenteve të shoqërisë ku është e nevojshme ndihma. Ndërgjegjësimi ekologjik është ngritur në një nivel edhe më të lartë përmes përpjekjeve për uljen e mbetjeve në bashkëpunim me „Pakomak“. Me makinat e riciklimit të vendosura në supermarketet, „Тинекс“ tashmë ka mbledhur dhe ricikluar më shumë se tre milionë shishe plastike dhe kanaqe, duke kontribuar në ruajtjen e mjedisit.

Në të ardhmen, „Тinex“ do të vazhdojë me inovacione, risi dhe modernizim të vazhdueshëm, duke u ofruar klientëve të tij një përvojë të shkëlqyer blerjeje.