Thierry Henry tregon dy ekipet që Arsenali dëshiron të shmangë në shortin e çerekfinaleve të Ligës së Kampionëve

Thierry Henry ka emëruar Manchester Cityn dhe Real Madridin si dy favoritët për të fituar Ligën e Kampionëve para shortit të Ligës së Kampionëve i cili do të mbahet sot (e premte) në Nyon të Zvicrës.

Ekipi i Mikel Artetas u bë pjesë e tetë më të mirave në Ligën e Kampionëve pasi mposhti Porton në penallti mbrëmjen e së martës.

Arsenali do të shoqërohet në këtë short nga City, Real Madridi, Barcelona, Atletico Madrid, Bayern Munich, Borussia Dortmund dhe Paris Saint-Germain.

Henry beson se nuk do të jetë e lehtë të luash në këtë kompeticion dhe ndihet se City dhe Real Madridi do të ishin kundërshtarët më të vështirë për ‘Topçinjtë’.

“Më kujtohet kur shorti na vendosi Real Madridin dhe të gjithë qeshën sepse ata thanë, ‘Arsenali është ekipi që dëshironi’, dhe ne Juventusi dhe të gjithë thamë, ‘ky është një short i mirë për Juventusin’, pastaj ne luajtëm ndaj Villarreal, të cilët ishin ekip i mirë atë kohë, dhe ata thanë, ‘është mirë të luajmë me Arsenalin’, pastaj natyrisht ne nuk mund të fitonim finalen”, ka thënë fillimisht Henry.

Lexo po ashtu Superkompjuteri befason me parashikimin e tij për Ligën e Kampionëve, mësoni favoritin dhe shanset e secilit ekip

“Unë vetëm po them, nuk mund të mos respektosh askënd në Evropë. Ka dy ekipe që mund të jenë të rrezikshme, është Real Madridi dhe Man City. Të tjerat, ju luani me atë që mundeni”, është shprehur francezi.

“Kështu që kampionët mund të flasin, Man City pastaj Real Madridi. Ne e dimë që ata tashmë kanë 14 trofe, të shohim se çfarë do të ndodhë”, përfundoi ai./Telegrafi/