Thiago Motta i gatshëm të bëjë ndryshimin tek Juventusi – planifikon largimin e dy yjeve

Sipas një raportimi nga Sky Sport Italia, Thiago Motta dëshiron të ndërtojë ekipin e Juventusit përreth Adrien Rabiot, Manuel Locatelli, Gleison Bremer dhe Michele Di Gregorio, duke liruar nga ekipi dyshen Federico Chiesa dhe Wojcieh Szczesny.

Trajneri i Bolognas kishte njoftuar se do të largohet nga ‘Stado Dall’Ara’ dhe pritet gjerësisht që ai të kalojë tek Juventusi.

Gazetari i njohur Gianluca Di Marzio ka thënë për Sky Italia se Thiago Motta synon që ta ndërtojë ekipin rreth lojtarëve si Rabiot, Locatelli dhe Bremer.

Nga këta të tre, vetëm Locatelli e ka të sigurt qëndrimin, sepse Rabiotit do t’i skadojë kontratë më 30 qershor ndërsa Bremer ka një ofertë të madhe nga Manchester United.

Lexo po ashtu Juventusi e mbyll me fitore dhe në vendin e tretë në Serie A

Tashmë është e konfirmuar se Di Gregorio do t’i bashkohet ‘Zonjës së Vjetër’ për 18 milionë euro plus shtesat, dhe ai pritet që të jetë zgjedhja e parë e portës me Mattia Perin si rezervist.

Kjo do të thotë se Szczesny është në dispozicion për shitja dhe teksa i ka mbetur vetëm një vit kontratë, ai është lidhur me një kalim tek Bayern Munichu, kështu që Juventusi do të synojë të rrisë fondet përmes shitjes së tij.

Sa i përket Chiesas, Motta nuk e sheh atë si pjesë të planeve të tij dhe italiani tashmë është bërë objektiv i Romës dhe Milanit për një transferim të mundshëm gjatë verës./Telegrafi/