Presidenti i Republikës së Kosovës, Hashim Thaçi ka thënë sot para takimit të liderëve të Ballkanit Perëndimor në Bruksel se shpreson që në javët apo muajt e ardhshëm do të arrihet marrëveshja finale ndërmjet Kosovës dhe Serbisë.
Thaçi këtë deklaratë e bëri të ditur në një konferencë për media ku tha se Shtetet e Bashkuara të Amerikës (SHBA) janë të interesuara në arritjen e një marrëveshje dhe këtë sipas tij e dinë edhe Bashkimi Evropian (BE).
Thaçi u shpreh se mbështetjen e Bashkimit Evropian dhe SHBA-së Kosova nuk guxon ta humb pasi mund ta paguaj me një çmim të lartë.
“Mbështesim fuqishëm BE-në në procesin e negociatave. SHBA gjithmonë kanë qenë pranë nesh. Edhe këtu në Bruksel e dinë që SHBA-të janë të interesuar për arritjen e një marrëveshje. Shpresoj që në javët apo muajt e ardhshëm do të arrihet zgjidhje finale e marrëveshjes Kosovë-Serbi, e pastaj anëtarësimin e Kosovës në OKB. Këtë mbështetje të BE-së dhe SHBA nuk guxojmë ta humbim, përndryshe mund të paguajmë një çmim të lartë të mosinteresimit ndërkombëtarë. Duhet të tregohemi shtet serioz që merr vendime”, ka thënë Thaçi.
E sa i përket liberalizimit të vizave Thaçi tha se vendimi ka qenë i padrejtë, mirëpo, sipas tij është një proces që nuk mund të ikë.
“Është fundit i vitit, është takim i liderëve të rajonit të Ballkanit Perëndimor. Shpresoj që do të jetë një bilanc i angazhimeve të vendeve tona… Po ashtu duhet të jetë një zë që rajoni i Ballkanit Perëndimor duhet të integrohet sa më shpejt. Jemi të vetëdijshëm që duhet të zbatojmë të gjitha kriteret. Jemi të vetëdijshëm që vendimi për liberalizimin është i padrejtë. Qeveria e Kosovës kanë qenë dy ditë në Bruksel dhe i kanë bërë të njohura opinionet e tyre, liberalizmi i vizave është diçka që nuk mund të ikë, por për një periudhë kohore varet nga shtetet anëtare”, tha ai.
Ai foli po ashtu edhe për mesazhin e Presidentit të SHBA-ve, Donald Trump ku tha se mesazhi i SHBA-ve është që të përmbyllim procesin e rëndësishëm me një marrëveshje finale që nënkupton njohje reciproke, Kosovë-Serbi.
“Mesazhi i Trumpit është i SHBA-ve. E vlerësoj lart mbështetjen e Mogherinit. Mesazhi i SHBA-ve që të përmbyllim këtë proces të rëndësishëm me një marrëveshje finale që nënkupton njohje reciproke. Mesazhi i Presidentit Trump për Kosovën mund të krahasohet me mesazhet e Presidentit Bush të vjetrit, ku në vitin 1992 është kërcënuar qartë Millosheviqi…”, ka thënë Thaçi.
Ai po ashtu tha se mesazhet e Trumpit duhet lexuar dhe kuptuar mirë.
“Mesazhet e Trumpit duhet lexuar mirë dhe kuptuar drejtë dhe besoj që do të jenë të mirëseardhura nga qytetarët e Kosovës. Ne nuk kemi aleat më të respektuar e më besnik se SHBA-të. Nuk di kush duhet të flasë për Kosovën nëse nuk flet SHBA. E SHBA-të folën”, u shpreh ai.
Presidenti Thaçi tha se roli i tij në dialog do të jetë kushtetues dhe ligjorë, si dhe siç tha ai e mbështetë ekipin negociator të Kosovës, të miratuar ditë më parë në Kuvendin e Kosovës.
“E mbështes ekipin negociator të Kosovës. Edhe idetë që vijnë nga kryeministri Haradinaj janë të mirëseardhur, po ashtu dhe nga të tjerët. Marrëveshja gjithëpërfshirëse me Serbinë ka kuptim vetëm atëherë kur të ndodhë njohja reciproke. Sa më unik të jemi aq më mirë do të dalim. Sa më të bashkuar aq më mirë do të dalim. Kosova po merr frymë lirshëm. SHBA gjithmonë kanë qenë pranë nesh”, theksoi Presidenti Thaçi.
E sa i përket formimit të Ushtrisë së Kosovës ai tha se është punë e kryer dhe ka marr mbështetje të fuqishme prej shteteve të botës.
“Themelimi i Ushtrisë së Kosovës është punë e kryer, ka mbështetje të fuqishme prej shteteve të botës. Gjatë punimeve të Këshillit të Sigurimit kishte një mbështetje të fuqishme. Ky është një vendim i Kosovës dhe i të zgjedhurve. Tani duhet të fokusohemi në zhvillimin dhe profesionalizimin e Ushtrisë së Kosovës”, potencoi Thaçi.
Ndryshe, sot pritet një takim mes liderëve të Ballkanit Perëndimorë me përfaqësuesen e lartë të BE-së, Federica Mogherini, ku pritet të diskutohet për progresin e bërë gjatë këtij viti dhe për zhvillimet aktuale politike në rajonin tonë. /Telegrafi/
Lufta Prigozhin - Putin
Më shumëNga Rubrika
U tregua e ashpër ndaj Vuçiqit në Këshill të Sigurimit – reagime të shumta në mbështetje të përfaqësues së Maltës
Dhunimi i 11 vjeçares në Prishtinë, dënohen me 62 vite burgim 8 të akuzuarit
Zgjedhjet presidenciale në Maqedoninë e Veriut, 1.814.317 qytetarë me të drejtë vote
Momenti kur vetura “fluturon” në Veternik dhe përplaset në një pompë derivatesh
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Vasfije Krasniqi pas mbledhjes së Këshillit të Sigurimit: Serbia humb çdo betejë kur jemi në kushte të barabarta
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
Momenti kur Osmani i thotë Vuçiqit "Shikoj në sy dhe kërkoju falje katër viktimave të krimeve serbe"
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj