Edhe pse lumi Shkumbin herë pas herë pastrohet, qoftë nga autoritetet komunale qoftë nga iniciativa të qytetarëve, megjithatë mbetet problematike hedhja e mbeturinave. Qytetarë të pandërgjegjshëm apo kompani private jo rrallë herë mbeturinat i hedhin drejtpërdrejt në rrjedhën e lumit Shkumbin. Kjo po krijon përshtypjen se shtrati i lumit nuk pastrohet dhe është deponi për mbeturina.
Gjatë kësaj periudhe, sërish janë hasur mbeturina të hedhura në Shkumbin në pjesën tek Çarshia e Epërme. Kjo ka bërë që të del në terren sërish kryetari i Komunës së Tetovës, Bilall Kasami, i cili ka kërkuar nga qytetarët të jenë më të kujdesshëm, ndërsa paralajmëroi se nga tash e tutje – do të bëhet indentifikimi i atyre që ndotin lumin dhe ndaj të njëjtëve do të ketë edhe dënime, shkruan gazeta Koha.
“Fatkeqësisht, ende ka qytetarë të pandërgjegjshëm, të cilët vazhdojnë me avazin e vjetër dhe hedhin mbeturina aty ku nuk e kanë vendin. Sigurisht, në bashkëpunim me Inspektoratin komunal janë identifikuar disa hedhurina që janë hedhur pas pastrimit të lumit dhe inspektorati komunal pas identifikimit të rastit, do të merr masa adekuate ndaj atyre qytetarëve të pandërgjegjshëm. Ne lusim qytetarët dhe ata që vizitojnë qytetin e Tetovës të ruajnë ambientin, të ruajnë hapësirat publike e kështu me radhë, sepse vetëm kështu mund të kemi një qytet të pastër dhe një qytet të cilin të gjithë e duam. Komuna me ndërmarrjet dhe Inspektoratin komunal e bën punën e vet dhe bën të pamundurën për një qytet të pastër, por sigurisht këtu na duhet bashkëpunimi me qytetarët, që bashkërisht të kemi një qytetet më të pastër”, tha Kasami.
Tashmë në disa lokacione janë vendosur edhe kamera të sigurisë, përmes të cilëve do të bëhet edhe identifikimi i atyre që hedhin mbeturina në lumin Shkumbin dhe jo vetëm. Inspektorët komunal do të jenë më shpesh në terren dhe do të punojnë për të kapur personat që hedhin mbeturina dhe rastet e këtilla, sipas Kasamit, nuk do të tolerohen.
“Sigurisht se parashihen masa, Inspektorati komunal në vazhdimësi, në lokacionet ku identifikohen mbeturina në vende jo adekuate, do të merr masa. Në disa vende janë instaluar edhe kamera të sigurisë edhe në këtë lokacion ka kamera të sigurisë, sigurisht se në bazë të të cilave është identifikuar edhe qytetari i pandërgjegjshëm, pra ata që do të zbulohen ndaj tyre do të merren masa dhe nuk do të ketë tolerim për gjithë ata që ndotin ambientin. Po ashtu, kërkojmë bashkëpunim edhe nga qytetarët, që në rast se vërejnë persona që hedhin mbeturina në lum, ti denoncojnë tek institucionet përkatëse”, sqaroi Kasami.
Paralajmërimet nga Komuna e Tetovës janë se në të ardhmen, do të vendosen më shumë kamera me qëllim që të parandalohet hedhja e mbeturinave dhe lumi Shkumbin të jetë vend i pastër dhe i njëjti të shfrytëzohet për rekreim dhe aktivitete tjera dhe jo të shndërrohet në deponi për mbeturina./Koha.mk/
Lufta Prigozhin - Putin
Më shumëAmbasadori Hill: Serbia po armatoset, nuk po blen thjesht avionë
Aksioni i policisë në tetë lokacione në veri, konfiskon dokumente nga komunat paralele
Aktakuzë ndaj zyrtarit të Mamushës, dyshohet se kundërligjshëm ua dha shtetësinë e Kosovës 124 personave
Shpopullimi i fshatrave, mësuesi që ecën dy orë në këmbë për të mësuar pesë fëmijë
Kurti: 363 qytetarë të komunave veriore punësohen falë skemës qeveritare
Kishin mbetur të bllokuar në Gjirin e Filikurit, policia shpëton dy turistët nga Maqedonia e Veriut
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Në mesin e tyre edhe një britanik 'shumë i rrezikshëm' – zbulohen detaje rreth arratisjes së pesë të dënuarve nga burgu i sigurisë së lartë në Portugali
Vjen reagimi i Edon Zhegrovës pas përjashtimit nga kombëtarja e Kosovës
Ronaldo befasoi me zgjedhjen e tij kur përmendi lojtarin më të mirë që ka parë ndonjëherë
Ulje drastike e temperaturave - të martën pritet shi e rrufe
Osmani: Amerika nuk po kërkon ta mbajmë Urën e Ibrit mbyllur, por ta vendosim datën e hapjes bashkë
Balena, miu i ngordhur, macja dhe pëllumbi – historitë se si kafshët janë përdorur për të spiunuar