Është e kotë t’i vijmë anash dhe të themi stërhollime. Diktatura ishte e nëndheshme deri dje, para tërmetit të 26 nëntorit, tani doli krejt në sipërfaqe me përmasat e saj të plota. Arroganca e djeshme e Ramës u shndërrua në brutalitet verbal, gjestual dhe në veprim. Së pari pushtoi ekranin apo ekranet, nga ora 7 e mëngjesit deri në darkë, pa pushim, pa dialog, pa dëgjesë, vetëm urdhra, porosira, “mençurira” dhe një përrua psikik që gurgullon të njoma dhe të thata, koncepte me gungë apo të dysta, e, kështu, daç haje, daç mbyll TV.
Pastaj, Kryeministri e përcaktoi sloganin: “Do të ndërtojmë lagjet e reja të Rilindjes”. Nënkupto këtu, o vëlla lexues, që nuk i tremb tërmeti, as shiu dhe as qameti, se kështu na premtoi dhe na dha llafin mbreti…
Pastaj ai, KM-ja krejt pa gjumë, me nervat “tel” e “kaçurrel”, bëri për një lek edhe djalin e tij shpirtëror të viteve të fundit, “lali Erin”, alias Erion Veliaj.
Para kamerave e shndërroi publikisht kryebashkiakun e kryeqytetit në një bojaxhi, “no name, no face, no person”, që duhet të bindet të lyejë shkallët e pallatit ku ay, “Il grande capo” ose “Sulltani i vogël”, ngjitet për qoka ose ngushëllime patetike…
Provën gjenerale e kishte bërë ca orë më parë me Elisa Spiropalin dhe dashurinë e saj të sinqertë politike për Kryeministrin suprem, kur e turpëroi pa shkak e për llastim të vet, thjesht se vajza entuziaste, ish-kryetare Doganash, por edhe ish-kryefreshiste trime, vite apo shekuj më parë, e duartrokiti vrullshëm “Udhëheqësin” (italisht “Il Duce”)
Por, Elisa, ish-kryefreshistja trime e ish-anti-nanoiste e ish-anti-berishiste e paepur, e duartrokiti pa leje edhe kur ai nuk kishte kruar ende kokën apo kafkën e thinjur…
Po nejse, qoftë Elisa e qoftë lali Eri, shërbyen për diçka, na bënë më dijehapur, se Udhëheqësi (italisht “Il Duce”), nuk pyet as për ta dhe se ata të parët duhet të fshijnë nga koka iluzionet e demokracisë në këtë vend të tërmetosur…
Për t’u kthyer në temën e fillimit, Rama, si hap të dytë, e shndërroi “tërmetin 26 nëntor”, në një gur themeli për të mbaruar projektin e vendosjes së plotë të diktaturës.
Ndërkohë që shumë shtëpi e pallate që po prishen mbajnë akoma vulën e mëkatit vrastar, të bashkëpunëtorëve të tij në Durrës apo të atij vetë në Tiranë. Kush pyet sot për këtë?!
Sepse sot e gjithmonë e më shumë edhe nesër, të gjitha në një dorë do të mblidhen grusht, Prokuroria, Parlamenti komik, dhe …
Dhe … gjeneral Lleshaj, që po i hanë duart dhe fantazitë e paragjumit për një luftë rrafshuese dhe kësaj radhe përfundimtare, me gaz e shkopinj e me plumba gome ndaj opozitarizmit, kudo që të shfaqet. Mjafton të fishkëllejë Udhëheqësi!
Por, edhe opozitën, në qoftë se ka një opozitë, duket se e ka zënë edhe atë “tërmeti 26 nëntor” dhe për këtë vërtet që nuk ka faj Rama…
Promo
Reklamo këtuLufta Prigozhin - Putin
Më shumëDy ushtarakë e poshtërojnë Vladimir Putinin - nuk pranojnë ta përshëndesin presidentin rus
Mësohet arsyeja pse nuk ndërhyri VAR-i te goli i anuluar i Bayern Munichut ndaj Real Madridit
Lista e 50 klubeve më të vlefshme të futbollit: Man Utd lë pas Real Madridin, ngjiten klubet e MLS
Besa dështon ta kualifikojë Shqipërinë në finalen e "Eurovision 2024"
Granit Xhaka, lojtar i ndeshjes Bayer Leverkusen 2-2 Roma: Statistikat e tij janë fantastike
Finale shqiptare në Ligën e Evropës, Xhaka dhe Gjimshiti do të jenë përballë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Dy ushtarakë e poshtërojnë Vladimir Putinin - nuk pranojnë ta përshëndesin presidentin rus
Mësohet arsyeja pse nuk ndërhyri VAR-i te goli i anuluar i Bayern Munichut ndaj Real Madridit
Besa dështon ta kualifikojë Shqipërinë në finalen e "Eurovision 2024"
Granit Xhaka, lojtar i ndeshjes Bayer Leverkusen 2-2 Roma: Statistikat e tij janë fantastike
Lista e 50 klubeve më të vlefshme të futbollit: Man Utd lë pas Real Madridin, ngjiten klubet e MLS
Teuta Selimi injoron tërësisht raportimet në media për dhunën nga burri dhe vëllai - paralajmëron koncertin e radhës në Zvicër